«بيىل مۇناي ونىمدەرىنىڭ نەگىزگى تۇرلەرى بويىنشا 4,7 ملن توننا بەنزين, 4,8 ملن توننا ديزەل وتىنى, 2,4 ملن توننا مازۋت, بيتۋم 933 مىڭ توننا جانە 600 مىڭ توننا اۆياكەروسين ءوندىرىلدى. وزدەرىڭىز بىلەتىندەي, بيىل تامىزدان قازانعا دەيىن جانار-جاعارماي نارىعىندا ديزەل وتىنىنىڭ تاپشىلىعى بايقالدى.
ىشكى نارىقتى ديزەل وتىنىمەن قامتاماسىز ەتۋ ءۇشىن مىناداي شارالار قابىلداندى. بىرىنشىدەن, اۆتوموبيل كولىگىمەن مۇناي ونىمدەرىن اكەتۋگە تىيىم سالىندى, ەكىنشىدەن, اتىراۋ مۇناي وندەۋ زاۋىتىنىڭ جوسپارلى جوندەۋ جۇمىسى 2022 جىلعا اۋىستىرىلدى», دەدى م. مىرزاعاليەۆ ۇكىمەت وتىرىسىندا جاساعان بايانداماسىندا.
ونىڭ ايتۋىنشا, بيىل ەلىمىزدە مۇناي ونىمدەرىن ءوندىرۋ 13,1 ملن تونناعا جەتتى.
«سونداي-اق, ديزەل تاپشىلىعىمەن كۇرەسۋ ماقساتىندا پاۆلودار مۇناي وندەۋ زاۋىتىنىڭ جوندەۋ جۇمىسى بيىلعى جىلدىڭ قىركۇيەك ايىنان قاراشاعا شەگەرىلدى. ودان بولەك, رەسەي فەدەراتسياسىنىڭ مۇناي وڭدەۋ زاۋىتتارىنان 281 مىڭ توننا ديزەل وتىنى يمپورتتالدى. وسى اتالعان جەدەل شارالار ارقاسىندا ەلدەگى ديزەل وتىنى نارىعىندا جاعداي تۇراقتالدى», دەيدى ول.
