سادىر جاپاروۆ قىرعىز-قازاق ەكىجاقتى قارىم-قاتىناستارىن نىعايتۋعا جانە دامىتۋعا ارقاشان دايىن ەكەنىن اتاپ ءوتتى.
پرەزيدەنت دارحان قىدىرالىنىڭ ەكى حالىق اراسىنداعى تاتۋ كورشىلىك قارىم-قاتىناستاردى نىعايتۋ ماقساتىندا قىرعىزستانعا جاساعان ساپارىنا ريزاشىلىعىن ءبىلدىرىپ, اكادەميا جۇمىسىنا جوعارى باعا بەردى.
سونىمەن قاتار مەملەكەت باسشىسى حالىقارالىق تۇركى اكادەمياسىنىڭ تۇڭعىش پرەزيدەنتى رەتىندە دارحان قىدىرالىنىڭ تۇركى حالىقتارىنىڭ عىلىمي جانە ءبىلىم بەرۋ قىزمەتىن دامىتۋعا, سونداي-اق تۇركى تىلدەس ەلدەردىڭ مەملەكەت قايراتكەرلەرىنىڭ باستامالارىن قولداۋعا ەلەۋلى ۇلەس قوسقانىن ايتتى.
ءوز كەزەگىندە دارحان قىدىرالى كەزدەسۋگە مۇمكىندىك بەرگەنى ءۇشىن مەملەكەت باسشىسىنا العىسىن ءبىلدىرىپ, حالىقارالىق تۇركى اكادەمياسىنىڭ باسىم مىندەتتەرى مەن جوسپارلارى تۋرالى باياندادى.
