ۆيتسە-پرەمەر ەلىمىزدىڭ دەنساۋلىق ساقتاۋ سالاسىنداعى دامۋ ناتيجەلەرى مەن جەتىستىكتەرىن بايانداي كەلە, قازاقستان وسى سالاداعى ىنتىماقتاستىققا جانە وزبەكستاننىڭ دەنساۋلىق ساقتاۋ جۇيەسىن دامىتۋعا كومەك پەن قولداۋ كورسەتۋگە دايىن ەكەنىن حابارلادى. ءبىزدىڭ مەديتسينا سالاسىنداعى جوعارى بىلىكتى ماماندارىمىز حالىقتىڭ دەنساۋلىعىن قامتاماسىز ەتۋگە قاتىستى بارلىق اسپەكتىلەر بويىنشا تاجىريبە مەن بىلىممەن بولىسە الادى.
ە.توعجانوۆ دەلەگاتسيا مۇشەلەرىن QazVac كوروناۆيرۋس ينفەكتسياسىنا قارسى وتاندىق پرەپاراتتىڭ وندىرىسىمەن جانە تيىمدىلىگىمەن تانىستىرا وتىرىپ, بۇگىنگى كۇنى ۆاكتسينالار پاسپورتتارىن ءوزارا تانۋ جونىندەگى جۇمىستى جانداندىرۋ قاجەتتىگى تۋرالى ماڭىزدى ماسەلەنى كوتەردى.
بۇل قازاقستان مەن وزبەكستان ازاماتتارىنىڭ كەدەرگىسىز ءجۇرىپ-تۇرۋىن قامتاماسىز ەتىپ, ەلدەر اراسىنداعى ىسكەرلىك بايلانىستاردى جانداندىرۋعا مۇمكىندىك بەرەدى. ءوز كەزەگىندە بەحزود مۋساەۆ ىنتىماقتاستىق ءۇشىن ريزاشىلىعىن ءبىلدىرىپ, وزبەكستاننىڭ مەملەكەتتىك-جەكە مەنشىك ارىپتەستىك اياسىندا مەديتسينا سالاسىندا جۇزەگە اسىرىلعان ءبىزدىڭ ەلىمىزدىڭ جوبالارىنا ۇلكەن قىزىعۋشىلىعى بار ەكەنىن حابارلادى.
ە.توعجانوۆ قازاقستاندىق ماماندار مەديتسيناداعى IT-تەحنولوگيالار, جەدەل جاردەم جۇمىسىن ۇيىمداستىرۋ, العاشقى مەديتسينالىق-سانيتاريالىق كومەك جانە مەديتسينا عىلىمىن ىلگەرىلەتۋ ماسەلەلەرىندە كونسۋلتاتيۆتىك جانە تەحنيكالىق كومەك كورسەتۋگە دايىن ەكەنىن جەتكىزدى.
