پوليتسيا تاراتقان نۇسقا بويىنشا مارقۇم سەرىك ماجەنوۆ اڭ اۋلاپ ءجۇرىپ قايتىس بولعان. بىراق مارقۇمنىڭ وتباسى قايعىلى وقيعا رەيد كەزىندە بولعانىن ايتۋدا. ءتىپتى ونى رەيدكە شىققانى تۋرالى قاعاز دا بار ەكەن. اۋماقتىق ينسپەكتسيانىڭ باسقا قىزمەتكەرلەرى دە پوليتسيا ۇسىنعان نۇسقاعا سەنبەيتىنىن ايتتى. ولار قايعىلى وقيعا براكونەرلەردى ۇستاۋ كەزىندە بولعان دەپ توپشىلايدى.
بۇگىن باق وكىلدەرى ەكولوگيا, گەولوگيا جانە تابيعي رەسۋرستار ءمينيسترى سەرىكقالي برەكەشەۆتەن شىن مانىندە وقيعانىڭ قالاي بولعانىن سۇرادى.
الايدا مينيستر تەرگەۋ امالدارى اياقتالعان كەزدە عانا ناقتى شىندىق بەلگىلى بولاتىنىن ايتتى.
«وكىنىشكە قاراي, وسىنداي جاعداي بولدى. وسى ءساتتى پايدالانىپ, قايتىس بولعان ارىپتەستىمىزدىڭ وتباسىنا مينيسترلىكتىڭ اتىنان تاعى دا كوڭىل ايتقىم كەلەدى. باستاپقى نۇسقا بويىنشا, بۇل - كەزدەيسوق ورىن العان قايعىلى وقيعا. قازىر ءتيىستى ورگاندار تەرگەۋ شارالارىن جۇرگىزىپ جاتىر. بۇگىنگى تاڭدا بىزدە ازىرگە تولىق سەنىمدى اقپارات جوق. تەرگەۋ قورىتىندىسىنىڭ اياقتالعانىن كۇتەمىز», دەدى سەرىكقالي برەكەشەۆ.
