شاراعا JUZ Entertainment باسشىسى, پروديۋسسەر ەربولات بەدەلحان, Daryn Online ءبىلىم بەرۋ پلاتفورماسىنىڭ نەگىزىن قالاۋشى ايبەك قۋاتباي, تەلەجۋرناليست اسحات سادىرباي قاتىستى.
كونتسەرت 26 جەلتوقساندا وففلاين جانە ونلاين فورماتتا وتەدى. ءان كەشىنىڭ ونلاين فورماتتا ارنايى juz.daryn.online پلاتفورماسىنان تاماشالاۋعا بولادى.
«Daryn online-مەن بىرگە جۇمىس جاساماس بۇرىن ۇزاق زەرتتەدىم. اتالعان IT-كومپانيامەن قۇندىلىقتارىمىز دا ورتاق ەكەن. ول - قازاقشا كونتەنتتى ەكپورتتاۋ, الەمدىك نارىققا شىعۋ, ۇلتقا قىزمەت ەتۋ. ونلاين كونتسەرت جاسايىق دەگەن ۇسىنىس تا ءبىزدىڭ تاراپىمىزدان بولدى», دەدى Ninety One توبىنىڭ پروديۋسسەرى ەربولات بەدەلحان.
«شەتەلدە ونلاين كونتسەرت كورۋ مادەنيەتى جاقسى قالىپتاسقان. ءبىزدىڭ ماقسات - سول مادەنيەتتى قازاقستاندا قالىپتاستىرىپ, IT-تەحنيكالىق دەڭگەيىمىزدى شەتەلگە كورسەتۋ. سەبەبى قازىردىڭ وزىندە ونلاين-كونتسەرتكە بيلەت العانداردىڭ 15%-ى فيليپپين, مالايزيا, بەلورۋسسيا جانە يندونەزيالىقتار», دەدى Daryn online ءبىلىم بەرۋ پلاتفورماسىنىڭ نەگىزىن قالاۋشى ايبەك قۋاتباي.
بۇل شارا اتالعان توپتاردىڭ ەلدە بىرلەسە قولعا العان سوڭعى كونتسەرتى بولۋى ىقتيمال. سەبەبى, Ninety One توبى اقش-قا كەتۋدى جوسپارلاپ وتىر. قازاق ونەرىن الەمدىك نارىققا شىعارۋدى كوزدەيمىن دەگەن پروديۋسسەر ەربولات بەدەلحان وسى تاقىرىپ توڭىرەگىندە دە ويىمەن ءبولىستى.
ء«بىر ورىندا تۇرىپ الەمدىك نارىققا ەنە المايمىز, قازاق ونەرىن ەكسپورتتاي المايمىز. قازىرگى تاڭدا ەلىڭدى, ۇلتىڭدى جارنامالاپ, تانىتۋدىڭ باستى قارۋى مۋزىكا. ەندەشە سول مۋزىكا قۇدىرەتىمەن قۇندىلىقتارىمىزدى كوتەرىپ ءارى كورسەتە ءبىلۋىمىز ءتيىس», دەدى ەربولات بەدەلحان.
