قالا اكىمشىلىگىنىڭ قاۋلىسىندا ازاماتتاردىڭ جەكە قىزمەت الۋ ءۇشىن جابىق سپورت وبەكتىلەرىنە (ونىڭ ىشىندە جابىق سپورت عيماراتتارىندا, دەنە شىنىقتىرۋ-ساۋىقتىرۋ كەشەندەرىندە, فيتنەس-كلۋبتاردا, ءجۇزۋ باسسەيندەرىندە توپتىق دەنە شىنىقتىرۋ جانە سپورت ساباقتارىن وتكىزۋ ءۇشىن) بارۋ كەزىندە جاڭا كوروناۆيرۋستىق ينفەكتسياعا قارسى ۆاكتسيناتسيانىڭ نەمەسە يممۋنيتەتتىڭ بولۋىن راستايتىن مەديتسينالىق قۇجاتتاردى مىندەتتى تۇردە ۇسىنۋ جونىندەگى تالاپ الىنىپ تاستالاتىنى اتاپ وتىلگەن.
جاڭا كوروناۆيرۋستىق ينفەكتسيانىڭ تارالۋىنا قارسى تۇرۋعا باعىتتالعان قالعان شەكتەۋ شارالارى ۇزارتىلۋدا.
رەسەي فمبا «بايقوڭىر» كەشەنى ايماقتىق باسقارماسىنىڭ رەسمي اقپاراتىنا سايكەس, 19 جەلتوقسانداعى جاعداي بويىنشا بايقوڭىر قالاسىندا كوروناۆيرۋس دەرتىن جۇقتىرۋدىڭ 2963 جاعدايى تىركەلگەن, ينفەكتسيالىق ستاتسيوناردا ءبىر ادام بار, پاندەميا باستالعاننان بەرى ينفەكتسيادان قايتىس بولعاندار سانى - 141 ادام.
بايقوڭىر قالاسىنىڭ جەدەل شتابى مەن مەديتسينا سالاسىنداعى ماماندار ۆاكتسيناتسيادان كەيىن شامامەن جارتى جىلدان كەيىن جاپپاي ۆاكتسيناتسيا مەن رەۆاكتسيناتسيا عانا ەپيدەميانى توقتاتا الادى دەپ سانايدى. قالا اكىمشىلىگى قوعامدىق ورىنداردا جانە ادامدار كوپ جينالاتىن ورىنداردا, كولىكتە بولعان كەزدە, ساۋدا وبەكتىلەرىنە, ۇيىمدار مەن مەكەمەلەرگە بارعان كەزدە ازاماتتاردى بەتپەردە رەجيمىن ساقتاۋعا شاقىرادى.
