سينوپتيكتەردىڭ بولجاۋىنشا, نۇر-سۇلتاندا بۇرقاسىن مەن كوكتايعاق بولادى.
شىمكەنتتە تۇندە جانە تاڭەرتەڭ نايزاعاي بولادى دەپ كۇتىلەدى. وڭتۇستىك-باتىستان, وڭتۇستىكتەن سوققان جەل ەكپىنى تۇندە سەكۋندىنا 15-20 مەترگە دەيىن جەتەدى.
اقمولا وبلىسىنىڭ سولتۇستىك-باتىسىندا جانە وڭتۇستىك-شىعىسىندا تۇمان ءتۇسىپ, كوكتايعاق بولادى دەپ كۇتىلەدى. وبلىستىڭ سولتۇستىك-باتىسىندا وڭتۇستىك-باتىستان سوعاتىن جەل سەكۋندىنا 15-20 مەترگە جەتەدى.
تۇندە اقتوبە وبلىسىنىڭ سولتۇستىك-باتىسىندا, وڭتۇستىگىندە جانە شىعىسىندا كوكتايعاق كۇتىلەدى. وڭتۇستىك-باتىستان سوققان جەل ەكپىنى وبلىستىڭ سولتۇستىك-باتىسىندا سەكۋندىنا 15 مەترگە جەتەدى
22 جەلتوقسانعا دەيىن الماتى وبلىسىنىڭ الاكول كولدەرى اۋدانىندا وڭتۇستىك-شىعىستان 17-22 مەتر جەل سوعادى, ەكپىنى سەكۋندىنا 25 مەتر بولادى.
جامبىل وبلىسىنىڭ وڭتۇستىك-باتىسىندا سەكۋندىنا 15-20 مەتر جىلدامدىقپەن, تۇندە سەكۋندىنا 30 مەترگە دەيىن جەل سوعادى. سونداي-اق 21 جەلتوقسانعا دەيىن وبلىستىڭ سولتۇستىگىندە, تاۋلى جانە تاۋ بوكتەرىندەگى اۋدانداردا تۇمان مەن كوكتايعاق كۇتىلەدى.
باتىس قازاقستان وبلىسىنىڭ سولتۇستىگىندە, سولتۇستىك-باتىسىندا كوكتايعاق, تۇمان جانە بۇرقاسىن كۇتىلەدى. وبلىستىڭ باتىسى مەن سولتۇستىگىندەگى وڭتۇستىك-باتىستان سوققان جەل ەكپىنى سەكۋندىنا 15-20 مەترگە دەيىن كۇشەيەدى. ورالدا كۇندىز كوكتايعاق, بۇرقاسىن كۇتىلەدى, تۇندە جانە تاڭەرتەڭ تۇمان تۇسەدى, سونداي-اق وڭتۇستىك-باتىستان سەكۋندىنا 18 مەترگە دەيىن جەل سوعادى.
تۇندە باتىستا, كۇندىز سولتۇستىكتە, شىعىستا جانە قاراعاندى وبلىسىنىڭ ورتالىعىندا كوكتايعاق جانە بۇرقاسىن كۇتىلەدى.
قوستاناي وبلىسىنىڭ سولتۇستىگى مەن وڭتۇستىگىندە تۇمان ءتۇسىپ, كوكتايعاق بولادى. وڭتۇستىك-باتىستان سوققان جەل وبلىستىڭ وڭتۇستىگىندە سەكۋندىنا 15-20 مەترگە جەتەدى.
قىزىلوردا وبلىسىنىڭ سولتۇستىگىندە جانە ورتالىعىندا تۇمان ءتۇسىپ, كوكتايعاق بولادى دەپ كۇتىلەدى.
ماڭعىستاۋ وبلىسىنىڭ باتىسىندا تۇمان مەن كوكتايعاق كۇتىلەدى. كۇندىز وبلىستىڭ وڭتۇستىگىندە قۇمدى داۋىل كۇتىلەدى. وڭتۇستىك-شىعىستان سوققان جەل كۇندىز وبلىستىڭ باتىسىندا سەكۋندىنا 15-20 مەترگە جەتەدى. اقتاۋدا 20 جەلتوقساندا تۇندە جانە تاڭەرتەڭ تۇمان تۇسەدى.
تۇندە پاۆلودار وبلىسىنىڭ وڭتۇستىگىندە بوران سوعىپ, وبلىستىڭ سولتۇستىگىندە تۇمان تۇسەدى. كۇندىز وبلىستىڭ باتىسى مەن وڭتۇستىگىندە كوكتايعاق بولادى. وڭتۇستىك-باتىستان, باتىستان سوققان جەل تۇندە وبلىستىڭ وڭتۇستىگىندە سەكۋندىنا 18 مەترگە دەيىن كۇشەيەدى.
سولتۇستىك قازاقستان وبلىسىنىڭ سولتۇستىگىندە, باتىسىندا, شىعىسىندا بوران, تۇمان جانە كوكتايعاق كۇتىلەدى. كۇندىز وبلىستىڭ باتىسىندا وڭتۇستىك-باتىستان سوققان جەلدىڭ ەكپىنى سەكۋندىنا 15-20 مەترگە جەتەدى. پەتروپاۆلدا كوكتايعاق بولادى.
تۇندە جانە تاڭەرتەڭ تۇركىستان وبلىسىنىڭ تاۋلى ايماقتارىندا جاۋىن-شاشىن, جاڭبىر جانە قار جاۋادى. تۇندە جانە تاڭەرتەڭ وبلىستىڭ باتىسىندا, وڭتۇستىگىندە, تاۋلى, تاۋ بوكتەرىندەگى اۋدانداردا نايزاعاي مەن تۇمان كۇتىلەدى. وبلىستىڭ تاۋلى جانە تاۋ بوكتەرىندەگى اۋداندارىندا وڭتۇستىك-باتىستان, وڭتۇستىكتەن جەل 15-20, تۇندە تاۋلى اسۋلاردا سەكۋندىنا 23-28 مەترگە جەتەدى.
