بيىكتىگى 25 مەتر بولاتىن شىرشانىڭ ديامەترى 10 مەترگە جەتەدى. ال سالماعى – 4048 كگ.
شىرشا شامدارىن جاعۋ راسىمىنە اياز اتا مەن اقشاقار, سپورتتا, وقۋدا, شىعارماشىلىقتا جەتىستىككە جەتكەن ەلوردادىق جاسوسپىرىمدەر قاتىستى.
شىرشاعا ءبىر ساتتە 1600-دەن استام جاڭا جىلدىق شارلار, 300-گە جۋىق ۇلكەن جانە كىشكەنتاي اق ۇلپالار ءىلىندى.
«بۇگىن كەرەمەت مەرەكە, اسىرەسە بالالار ءۇشىن. وتباسىمىزبەن بىرگە قالاداعى ەڭ ۇلكەن شىرشانى كورۋگە, كونكي تەبۋگە جانە تازا اۋادا دەمالۋعا كەلدىك. ونىڭ ۇستىنە اۋا رايى وتە قولايلى بولىپ تۇر», – دەپ قالا تۇرعىنى اناستاسيا العان اسەرىمەن ءبولىستى.
ء«بىز وسى ماڭعا جاقىن جەردە تۇرامىز. سەرۋەندەپ ءجۇرىپ, جۇرتتىڭ اقىرىنداپ جينالىپ جاتقانىن كوردىك. كوپ ۇزاماي شىرشانىڭ شامى جاعىلىپ, مەرەكەلىك كونتسەرت قويىلدى. مۇنداي كوڭىل-كۇي جاڭا جىلدىڭ جاقىنداعانىن ەرىكسىز ەسكە سالادى», دەدى ەلوردالىق مەرۋەرت قايىپوۆا.
كەش قوناقتارى ءۇشىن قازاقستاندىق ەسترادا جۇلدىزدارى, ونىڭ ىشىندە رينات مالتساگوۆ, مارجان اراپباەۆا, بالالار حورى جانە ت.ب. ونەر كورسەتتى.
ايتا كەتۋ كەرەك, ەلوردانىڭ بارلىق اۋدانىندا مۇز قالاشىقتار, جاڭا جىلدىق شىرشالار, اياز اتا مەن اقشاقار, اققالا جانە وزگە دە اتريبۋتتار ورناتىلدى.
