ءورتتى ءبىرىنشى بايقاعان كورشىسى سۇلەيمەنوۆا بازاركۇل وقيعا تۋرالى حابارلاعان. ءورت سوندىرۋشىلەر كەلگەنگە دەيىن ءۇي يەسىنىڭ قىزى, №38 قازاق ورتا مەكتەبىنىڭ 1 «ب» سىنىپ وقۋشىسى, 7 جاسار مەرەي ەسىمدى قىز ەرجۇرەكتىلىك تانىتىپ, ءوز ءومىرىن قاتەرگە تىگىپ, قويۋ قارا ءتۇتىننىڭ اراسىنان كامەلەت جاسقا تولماعان باۋىرلارى: 5 جاسار باحىت بەكسۇلتاندى, 3 جاسار باحىت ءايليندى جانە 1 جاسار ناۋرىزبەكقىزى ادينانى ءۇيدىڭ تەرەزەسىنەن سىرتقا شىعارىپ, اجالدان امان الىپ قالعان.
ادام ءومىرىن قۇتقارۋ كەزىندە كورسەتكەن ەرلىگى مەن قايسارلىلىعى ءۇشىن مەرەي ناۋرىزبەكقىزى باحىتتى 2021 جىلعى 14 جەلتوقسانداعى №215-ج/ق بۇيرىعىنا سايكەس قىزىلوردا وبلىسى توتەنشە جاعدايلار دەپارتامەنتىنىڭ باستىعى, پولكوۆنيك رۋسلان قايراقباەۆ العىس حاتپەن ماراپاتتادى.
سول ماراپاتتى جانە بۇلدىرشىنگە ارنالعان سىي-سياپاتتى ەل مەرەكەسى قارساڭىندا مەرەيدىڭ سىنىپتاستارى الدىندا جالاعاش اۋدانىنداعى توتەنشە جاعدايلار ءبولىمىنىڭ باسشىلارى ەرجۇرەك قىزعا تابىس ەتتى.
