سالتاناتتى شاراعا ەر-رياد قالاسىنىڭ مەرى, مارتەبەلى حانزادا فايسال بەن اياف, پارسى شىعاناعى اراب مەملەكەتتەرىنىڭ ىنتىماقتاستىق كەڭەسىنىڭ باس حاتشىسى ن. حادجراف, ساك كونسۋلتاتيۆتىك كەڭەسىنىڭ دەپۋتاتتارى – قازاقستان-ساۋد پارلامەنتتىك دوستىق توبىنىڭ مۇشەلەرى, سىرتقى ىستەر مينيسترلىگىنىڭ, كورولدىكتىڭ مەملەكەتتىك ورگان باسشىلارى مەن وكىلدەرى, شەت ەلدەردىڭ ەلشىلەرى مەن ديپلوماتتارى جانە ەر-رياد پەن دجيدداداعى حالىقارالىق ۇيىمداردىڭ تۇراقتى وكىلدەرى, عىلىمي جانە ىسكەرلىك ورتا, قوعام جانە ساياسي قايراتكەرلەر, باق وكىلدەرى, سونداي-اق بەلگىلى قوعام-ساياسي قايراتكەرلەرى قاتىستى.
قازاقستان ەلشىسى ب.ارىن ءوز سوزىندە تاۋەلسىز قازاقستاننىڭ 30 جىل ىشىندەگى نەگىزگى جەتىستىكتەرىن اتاپ ءوتىپ, قوناقتاردى ەلىمىزدىڭ قازىرگى ساياسي جانە الەۋمەتتىك-ەكونوميكالىق ءومىرى تۋرالى حاباردار ەتتى. قر تۇڭعىش پرەزيدەنتى – ەلباسى نۇرسۇلتان نازارباەۆتىڭ مەملەكەتتىڭ قالىپتاسۋىنداعى رولىنە, سونداي-اق الەمدىك قوعامداستىقتىڭ كەڭ قولداۋىنا يە بولعان ونىڭ حالىقارالىق باستامالارىنا ەرەكشە نازار اۋدارىلدى.
سونداي-اق, ەلشى قر پرەزيدەنتى قاسىم-جومارت توقاەۆتىڭ باسشىلىعىمەن قازىرگى ۋاقىتتا جۇرگىزىلىپ جاتقان ەكونوميكالىق جانە ساياسي رەفورمالار تۋرالى ايتىپ بەردى.
قازاقستاندىق ديپلومات قازاقستان مەن ساۋد ارابياسى اراسىنداعى قارىم-قاتىناستاردىڭ قارقىندى دامىپ, قر پرەزيدەنتى قاسىم-جومارت توقاەۆ پەن ساك مۇراگەر حانزاداسى مۇحاممەد بەن سالمان اراسىنداعى جەكە بايلانىستىڭ, سونداي-اق ساك كونسۋلتاتيۆتىك كەڭەسىنىڭ توراعاسى ابداللا اش-شەيحتىڭ جانە ساك ينۆەستيتسيالار ءمينيسترى حاليد فاليحتىڭ قازاقستانعا ساپارىنىڭ ارقاسىندا وسى جىلى قارقىن العانىن تىلگە تيەك ەتتى.
سالتاناتتى قابىلداۋعا قاتىسۋشىلارعا قىسقا مەتراجدى دەرەكتى فيلم كورسەتىلىپ, قازاقستاننىڭ تاۋەلسىزدىك جىلدارىنداعى جەتىستىكتەرى تۋرالى فوتوكورمە ۇيىمداستىرىلدى. قازاقستاننان ونلاين رەجيمىندە ترانسلياتسيالانعان ءسۇيىنباي اتىنداعى الماتى وبلىستىق فيلارمونياسى وركەسترىنىڭ كونتسەرتى كەشتى كوركەيتە ءتۇستى. قازاقستاندىق ارتىستەر ەلشىلىكتىڭ سالتاناتتى شاراسىنا قولداۋ كورسەتىپ, كوپشىلىككە تانىمال قازاق كومپوزيتورلارىنىڭ شىعارمالارى مەن ۇلتتىق فولكلورىن ۇسىندى. ەلشىلىك اۋماعىندا قازاقتىڭ كيىز ءۇيى مەن كوشپەندىلەردىڭ قولدانبالى ونەرىنىڭ ۇلتتىق بۇيىمدارى قويىلعان ەتنوگرافيالىق كورمە ۇيىمداستىرىلدى.
قابىلداۋ بارىسىندا ەلباسى نۇرسۇلتان نازارباەۆ پەن قر پرەزيدەنتى قاسىم-جومارت توقاەۆتىڭ كىتاپتارى, سونداي-اق قازاقستان تۋرالى جانە ونىڭ ساياسي جانە الەۋمەتتىك-ەكونوميكالىق دامۋى, سونداي-اق قازاقستان-ساۋد قارىم-قاتىناستارى تۋرالى باياندايتىن وزگە دە اقپاراتتىق-يميدجدىك ماتەريالدار تاراتىلدى.
