ەگەمەن ەلدىڭ ەلتاڭباسى

مۇندا ەگەمەن ەلدىڭ ەلتاڭ­باسىن جاساعان اۆتور جانداربەك مالىبەك ۇلىنىڭ ءومىر جولى مەن شىعارماشىلىعى, تىڭ تۋىن­دىلارىنىڭ تۇپنۇسقا جوبالارى, قولجازبالارى مەن سۇبەلى سۇحبات­تارى, جاريالانعان ەڭبەكتەرى, فوتو-بەينەماتەريالدارى تاۋەلسىزدىكتىڭ 30 جىلدىعى, ۇلتتىق ءارحيۆتىڭ 15 جىلدىعى قارساڭىندا ماڭگىلىك ساقتاۋعا الىندى.

سالتاناتتى ءىس-شاراعا مەملەكەت قايراتكەرى, قۇجاتتانۋشى ءمىربولات جاقىپوۆ, فيلولوگيا عىلىمدارىنىڭ دوكتورى, پروفەسسور سەرىك نەگيموۆ, جازۋشى جولتاي جۇمات-ءالماش ۇلى, ساياسي عىلىمدار دوك­تورى, پروفەسسور ابدىجالەل قوش­قار­ ۇلى, قازاق ۇلتتىق ونەر ۋني­ۆەر­سيتەتىنىڭ پروفەس­سورى باي­قوڭىر يجان ۇلى, قول­جاز­بالار جانە سيرەك كىتاپتار ۇلتتىق ورتا­لىعىنىڭ باسشىسى جاندوس بول­دىقوۆ سىندى بەلگىلى تۇلعالار قاتىستى.

قازاقستان رەسپۋبليكاسى ۇلت­تىق ءارحيۆىنىڭ ديرەكتورى سا­عيلا ەسىمسەيىتقىزى ۇلت­تىق ءارحيۆ­تىڭ جەكە تەكتىك قورىنا قابىل­دانعان جانداربەك مالى­بەكۇل­ىنىڭ قۇن­دى قۇجاتتارى مەن قولجازبا-سىزبالارىنىڭ قانشالىقتى ما­ڭىزدى ەكەنىن ايتا كەلىپ, ەلتاڭبا اۆتورىنىڭ ۇلگى بولارلىق باس­تاماسىنا العىسىن ءبىلدىردى. «مەم­لەكەتىمىزدىڭ ەلتاڭباسىنىڭ اۆتورى رەتىندە عانا ەمەس, كوپتەگەن ەلدەگى ساۋلەتتى عيماراتتاردىڭ ارحيتەكتورى رەتىندە, قازاق حال­قىنىڭ سانعاسىرلىق ساۋلەت ونەرىن بويىنا سىڭىرگەن دارا تۇلعا رەتىندەگى ءسىزدىڭ قۇندى جازبالارىڭىز بەن ەسكيزدەرىڭىز ۇلتتىق ارحيۆ قو­رىندا كەلەشەك ۇرپاققا امانات رەتىندە ساقتالاتىن بولادى», دەپ اتاپ ءوتتى س. ەسىمسەيىتقىزى.

س.نەگيموۆ ەلتاڭبانىڭ ءاربىر دەتالىنە توقتالىپ, كيىز ءۇي تۋرالى, جىلقىنىڭ ەڭ العاش قولعا ۇيرەتىلگەنى تۋرالى قىزىقتى مالى­مەتتەرىمەن ءبولىستى. ال ج.جۇ­مات-ءالماش ۇلى جۋىردا ەلتاڭبا اۆتورى جانداربەك ما­لىبەك ۇلى تۋرالى پەسا جازىپ شىققانىن جانە ول تۋىندى جاقىن ارادا ەل تەاترلارىندا قويىلاتىنىن سۇيىن­شىلەدى. ءوز كەزەگىندە سالتانات­تى شاراعا شاقىرىلعان مارتەبەلى مەيماندار جانداربەك مالىبەك ۇلىنىڭ ەل بىلە بەرمەيتىن قى­رلارى, ەل­تاڭبانىڭ ەلىمىز ءۇشىن ما­ڭىزى تۋرالى جان-جاقتى ما­لى­مەتتەرىمەن ءبولىسىپ, اتالعان شا­را­نىڭ ءمان-ماڭىزىن ۇلعايتا ءتۇستى.

كەش سوڭىندا جانداربەك مالى­بەك ۇلى ۇلتتىق ارحيۆ ۇجى­مىنا العىسىن بىلدىرە كەلە, كوزىنىڭ قا­را­شىعىنداي ساقتاپ كەلگەن دۇ­نيە­­سىن كەلەشەك ۇر­پاق­قا جەتكىزەر دەگەن ۇلكەن سەنىممەن تابىستاپ وتىرعانىن ايتتى.«تاريحتى ساق­تايتىن ارحيۆ. سوندىقتان ەل اعا­لارى ەرتەڭگى ۇرپاققا ۇلگى بولاتىنداي قۇندى دۇنيەلەرىن ارحيۆ قويمالارىنا تابىس ەتۋدى قولعا الۋ كەرەك», دەدى.

سونىمەن قاتار ۇلتتىق ءارحيۆ­تىڭ ديرەكتورى ساعيلا نۇرلا­نوۆاعا العىس رەتىندە ءوز جوباسىمەن قۇيى­لىپ ازىرلەنگەن, ەلتاڭبا پىشى­نىندەگى اشەكەي بويتۇماردى سىيلادى. ماڭگىلىك ەلدىڭ قورجى­نىن­دا ماڭگىلىككە ساقتاۋعا الىن­عان بۇل التىن قور بولاشاق ۇرپاق­تىڭ وتانسۇيگىشتىگى مەن ۇلتجان­دى­لىعىن وياتاتىن, ماقتان ەتەتىن رۋحاني مۇرا دەپ بىلەمىز.