فوتو: الەكساندر كۋپريەنكو
«پاندەميانىڭ نەگىزگى سوققىسى مەديتسينا قىزمەتكەرلەرىنە ءتيدى. العاشقى كۇننەن باستاپ ولار الدىڭعى شەپتە كوروناۆيرۋسپەن كۇرەستى. قالا تۇرعىندارىن اتالمىش ينفەكتسيادان بولەك باسقا اۋرۋلاردان دا ەمدەيدى. مەديتسينا قىزمەتكەرلەرىنىڭ قاجىرلى ەڭبەگىنىڭ ارقاسىندا مىڭداعان ادامنىڭ ءومىرى قۇتقارىلدى. ەل تاۋەلسىزدىگىنىڭ 30 جىلدىعى قارساڭىندا نۇر-سۇلتان قالاسىنىڭ مەديتسينا ۇيىمدارىنىڭ دارىگەرلەرى, ورتا جانە كىشى بۋىن قىزمەتكەرلەرى جالپى 350-دەن استام مامان ءتۇرلى مەدالدارمەن, ناگرادالارمەن ماراپاتتالدى.
مۇحتار ەسەنجان ۇلى قالامىزدىڭ باس ونكولوگ مامانى. وعان «قازاقستاننىڭ ەڭبەك ەرى» اتاعى بەرىلدى. پاندەميا باستالعالى بەرى مۇحتار ەسەنجان ۇلى ناۋقاستاردى ەمدەۋ ءۇشىن توسەك-ورىندار دايىنداپ, شەتەلدەن كەلگەن العاشقى ناۋقاستاردى قابىلدادى, جاڭا ينفەكتسيالىق ستاتسيوناردىڭ جۇمىسىن ۇيىمداستىرۋعا قاتىستى. ول باسقاراتىن كوپبەيىندى مەديتسينالىق ورتالىق COVID-19 ينفەكتسياسىنان 15 مىڭنان استام ناۋقاستى ەمدەدى.
سونىمەن قاتار, ۇيلەسىمدى جۇمىستىڭ ارقاسىندا ورتالىقتىڭ ونكولوگيالىق بولىمشەسىنىڭ جۇمىسى ءبىر كۇنگە توقتاعان جوق. ونكولوگياسى بار 8 مىڭنان استام پاتسيەنت ەمدەلدى, 3 مىڭنان استام وپەراتسيا جاسالدى. كارانتين كەزىندە ونكوپاتسيەنتتەرگە ءدارى-دارمەكتەردى ۇيگە جەتكىزۋ ۇيىمداستىرىلدى. سونىمەن قاتار, قوسىمشا ينسۋلت ورتالىعى اشىلدى, ول جوسپارلى جانە شۇعىل پاتسيەنتتەردى قابىلدايدى.
ەلوردانىڭ باس ونكولوگىن «قازاقستاننىڭ ەڭبەك ەرى» اتاعىمەن شىن جۇرەكتەن قۇتتىقتايمىن! مۇحتار ەسەنجان ۇلى تاعى دا جۇزدەگەن ناۋقاستى اياققا تۇرعىزاتىنىن بىلەمىن!
ەل باسشىلىعى مەديتسينا قىزمەتكەرلەرىن قولداۋ شارالارىنا ەرەكشە نازار اۋدارادى. پرەزيدەنتتىڭ تاپسىرماسى بويىنشا دەنساۋلىق ساقتاۋ سالاسىن ودان ءارى دامىتۋدى جالعاستىرامىز», دەپ جازدى ەلوردا اكىمى.
