«تۋراسىن ايتقاندا جانىبەك ءالىمحان ۇلى ءدال قازىر دەمەتريۋس اندرادە ءۇشىن ەڭ قاۋىپتى قارسىلاس ەكەنى راس. الايدا امەريكالىق بىلعارى قولعاپ شەبەرىن جەڭۋ ءۇشىن شارشى الاڭدا بوكستاسقاننان گورى توبەلەسكەن ءجون. دجەرمالل چارلو دەمەتريۋس اندرادەمەن كەزدەسۋدەن قايمىعادى. گەننادي گولوۆكين «زەينەت» جاسىنا جاقىنداپ قالدى. سوندىقتان اندرادە الىمحان ۇلىمەن قولعاپ تۇيىستىرەدى.
اندرادە كوپ قارسىلاستارىنان اۋەسقوي رينگتەگى تاجىريبەسى ارقىلى باسىم ءتۇسىپ جاتادى. الايدا قازاق وعلانى بۇل تۇرعىدان قارسىلاسىنان كەم تۇسپەيتىنىن ەسكەرگەن ءلازىم. ءالىمحان ۇلى بۇل شايقاستا قارسىلاسىن ايقىن باسىمدىقپەن جەڭە المايدى. ايتكەنمەن, ول دەمەتريۋس اندرادەنى جەڭە الاتىن الەۋەتكە يە بوكسشى», دەيدى ارنا جەتەكشىسى.
