الماتى قالالىق مادەنيەت باسقارماسىنىڭ مالىمەتىنشە, مەرەكەلىك وتشاشۋ «استانا» الاڭىندا (قبتۋ عيماراتىنا قاراما-قارسى) ساعات 21.00-دە باستالادى.
قالا اكىمدىگى مەرەيتوي كۇنىنە وراي الماتىدا 110-نان استام ءتۇرلى ءىس-شارالار وتكىزىلەتىنى تۋرالى حابارلادى. مىسالى, 15 جەلتوقساندا №1 وقۋشىلار ۇيىندە «جاسا, قازاق ەلى» كونتسەرتى وتەدى, سول كۇنى ن. ساتس اتىنداعى مەملەكەتتىك اكادەميالىق ورىس بالالار مەن جاسوسپىرىمدەر تەاترىندا مادەنيەت جانە ونەر وكىلدەرىنىڭ قاتىسۋىمەن «تاۋەلسىزدىك يگىلىگى ءۇشىن ەڭبەك» اتتى ءىس-شارا ۇيىمداستىرىلادى, سونىمەن قاتار سايران كولىنىڭ جاعاسىندا جاستاردىڭ قاتىسۋىمەن ەكو-اكتسيا وتەدى.
16 جەلتوقساندا «تۇران» ۋنيۆەرسيتەتى فلەشموب ۇيىمداستىرادى, ال اباي اتىنداعى مەملەكەتتىك وپەرا جانە بالەت تەاترىندا «ابىلاي حان» وپەراسىنىڭ پرەمەراسى كورسەتىلەدى.
تاۋەلسىزدىك كۇنى قر ۇلتتىق كىتاپحاناسىندا «تۇعىرى بيىك تاۋەلسىزدىك» اتتى ءىس-شارا وتەدى.
