وعان مەملەكەتتىك حاتشى ق.ە.كوشەرباەۆ قاتىسىپ, قر تۇڭعىش پرەزيدەنتى – ەلباسى ن.ءا.نازارباەۆتىڭ, مەملەكەت باسشىسى ق.ك.توقاەۆتىڭ جوعارعى وقۋ ورنىنىڭ مەرەيتويىنا وراي جولداعان قۇتتىقتاۋ جەدەلحاتتارىن وقىپ بەردى.
قاتىسۋشىلار الدىندا ءسوز سويلەگەن مەملەكەتتىك حاتشى وقۋ ورداسىنىڭ مەرەيتويى قازاقستان رەسپۋبليكاسى تاۋەلسىزدىگىنىڭ 30 جىلدىعىمەن تۇسپا-تۇس كەلىپ وتىرعانىن اتاپ, ۋنيۆەرسيتەت فيليالى ەلباسى ن.ءا.نازارباەۆتىڭ باستاماسىمەن اشىلعانىن ايتتى.
«ماسكەۋ مەملەكەتتىك ۋنيۆەرسيتەتىنىڭ العاشقى شەتەلدىك فيليالىنىڭ ەلىمىزدىڭ ەلورداسىندا اشىلۋى قازاقستان مەن رەسەي اراسىنداعى دوستىق بايلانىستىڭ جارقىن ءارى ەرەكشە ەكەنىنىڭ دالەلى. وسىنىڭ ارقاسىندا بۇعان دەيىن ۇزاق جىلدار بويى قالىپتاسقان ەكى ەل اراسىنداعى عىلىم مەن ءبىلىم سالاسىنداعى بايلانىس جاڭاشا سەرپىن الدى», دەدى ق.كوشەرباەۆ.
سونداي-اق قىرىمبەك كوشەرباەۆ قر پرەزيدەنتى ق.ك.توقاەۆتىڭ تاپسىرماسىمەن م.ۆ.لومونوسوۆ اتىنداعى ممۋ فيليالىنا ەل ۇكىمەتىنىڭ شەشىمىمەن جاڭا عيمارات بەرىلگەنىن جەتكىزدى. بۇل ەڭبەك نارىعىنا قاجەتتى ماماندار قاتارىن ارتتىرىپ, جوعارى دارەجەلى كادرلار دايىنداۋعا مۇمكىندىك بەرەدى.
بۇگىنگى تاڭدا قازاقستاندىق فيليال ماسكەۋ مەملەكەتتىك ۋنيۆەرسيتەتىنىڭ بەدەلىن ساقتاپ, ەلىمىزدىڭ ءبىلىم جانە عىلىم سالاسىنىڭ دامۋىنا ايتارلىقتاي ۇلەس قوسىپ كەلەدى. فيليال قۇرىلعان 20 جىل ىشىندە الەمنىڭ الدىڭعى دەڭگەيلى وقۋ ورىندارىنىڭ ستاندارتتارىنا ساي ىرگەلى بىلىمگە يە 2 مىڭنان استام مامان دايارلادى.
