«12 جاسقا دەيىنگى بالالارعا اتا-اناسىنىڭ كەلىسىمى بولعان كەزدە ۆاكتسينا سالۋ مۇمكىندىگىنە قازىر ەلىمىزدە تىيىم سالىنعان. ويتكەنى ءبىزدىڭ قولىمىزدا وندىرۋشىلەردىڭ ناقتى نۇسقاۋلىعى جوق. قازىرگى ساتتە وندىرۋشىلەر ۇسىنعان نۇسقاۋلىقتا 12 جاستان اسقان بالالارعا عانا كوروناۆيرۋسقا قارسى ەكپە سالۋعا رۇقسات», دەدى الەكسەي تسوي.
سونىمەن قاتار ول قايتا ۆاكتسينا سالدىرۋعا قاتىستى پىكىر ءبىلدىردى. سوزىنە سەنسەك, ءبارى اقىلى ۆاكتسينالار پايدا بولعان سوڭ شەشىلۋى مۇمكىن.
«بىزگە وزگە اقىلى ۆاكتسينالار كەلگەن سوڭ ازاماتتاردىڭ وزدەرىنە ءبىر نەمەسە ەكى ۆاكتسينا قابىلداۋ تۋرالى شەشىم قابىلداۋعا مۇمكىندىك بەرەمىز. بىراق رەۆاكتسيناتسيا كەزىندە ءبىر دوزا, ياعني ءۇشىنشى كومپونەنتتى سالۋ ۇسىنىلادى», دەدى دەنساۋلىق ساقتاۋ ءمينيسترى.
