قازاقستان پاۆيلونىن كورۋگە كەلگەن 500 مىڭىنشى قوناق باا ۇلتتىق كەڭەسىنىڭ باق بويىنشا ءجۋرناليسى مانسۋر لاردي بولىپ شىقتى. مەرەيتويلىق قوناقتى قازاقستان رەسپۋبليكاسىنىڭ بىرىككەن اراب امىرلىكتەرىندەگى توتەنشە جانە وكىلەتتى ەلشىسى ماديار مەڭىلبەكوۆ مىرزا قارسى الدى.
ء«بىز قازاقستان پاۆيلونىنىڭ 500 000-شى كەلۋشىسىن قۋانا قارسى الدىق! ءبىزدىڭ پاۆيلون كورمەنىڭ ەڭ تانىمال 10 پاۆيلونىنىڭ قاتارىنا كىرەدى. ءبىزدىڭ پاۆيلونىمىز, ياعني ءبىزدىڭ ەلىمىز حالىقارالىق اۋديتوريانىڭ ۇلكەن قىزىعۋشىلىعىن تۋدىرىپ وتىرعانىنا وتە قۋانىشتىمىز», دەپ ەلشى قۋانىشىن ءبىلدىردى.
مانسۋر لارديگە قازاقستاندى ءوز كوزىمەن كورىپ, ەلىمىزدىڭ مادەنيەتىمەن جاقىنىراق تانىسۋعا مۇمكىندىك بەرىلدى. اتاپ ايتقاندا, وعان سىيلىق رەتىندە ەكى ادامعا ارنالعان تۋريستىك ساپار تابىس ەتىلدى. ساياحات دەمەۋشىلەرى - «Kazakh Tourism» ۇلتتىق كومپانياسى, قازاقستاندىق Air Astana اۋە كومپانياسى, شىمبۇلاق تاۋ كۋرورتى جانە ML Tour تۋروپەراتورى.
ەسكە سالا كەتسەك, دۇنيەجۇزىلىك EXPO-2020 كورمەسى 2021 جىلدىڭ 1 قازانىندا دۋباي قالاسىندا اشىلدى. وسى ۋاقىت ىشىندە قازاقستان پاۆيلونى ۇلكەن تانىمالدىلىققا يە بولدى. EXPO-2020 Dubai ۇيىمداستىرۋ كوميتەتىنىڭ دەرەكتەرى بويىنشا كورمەگە 5 ميلليوننان استام ادام كەلگەن. كۇن سايىن ۇلتتىق پاۆيلونعا ورتاشا ەسەپپەن 8 مىڭ ادام كەلەدى. تۋريستىك قىزىعۋشىلىقتان باسقا, ول حالىقارالىق بيزنەس توپتارى اراسىندا جوعارى ىسكەرلىك قىزىعۋشىلىققا يە. قر ۇلتتىق پاۆيلونىنىڭ الاڭىندا 30-عا جۋىق ىسكەرلىك ءىس-شارا جوسپارلانعان, ونىڭ اياسىندا كونفەرەنتسيالار, فورۋمدار, B2B كەزدەسۋلەر وتەدى, سونداي-اق ەلدىڭ ينۆەستيتسيالىق جانە تۋريستىك الەۋەتى بويىنشا جوبالار, عىلىمي جانە ءبىلىم بەرۋ باستامالارى ۇسىنىلادى.
ۇلتتىق پاۆيلوننىڭ كونتەنتى كورمەنىڭ «اقىل-ويدى بىرىكتىرىپ, بولاشاقتى قۇرۋ» تاقىرىبىن تولىق اشادى, ال ونىڭ مازمۇنى رەسپۋبليكانىڭ تۋريستىك جانە ينۆەستيتسيالىق الەۋەتىن اشادى.
بۇدان باسقا, كۇن سايىن كەلۋشىلەرگە ارنالعان پاۆيلوننىڭ الدىندا ارنايى جابدىقتالعان اشىق الاڭدا ەتنيكالىق مۋزىكالىق ۇجىم ونەر كورسەتۋدى. سونداي-اق پاۆيلون اۋماعىندا ورنالاسقان ۇلتتىق تاعامدار مەيرامحاناسى دا كەلۋشىلەردى ءتانتى ەتتى.
