«قابىلدانعان ءىس-شارالاردىڭ ارقاسىندا اگروونەركاسىپتىك كەشەندە وسى جىلدىڭ 11 ايىنىڭ قورىتىندىسىندا نەگىزگى كاپيتالعا ينۆەستيتسيالار 40,5 پايىزعا ارتتى. ىشكى نارىقتىڭ ازىق-ت ۇلىكپەن قامتاماسىز ەتىلۋى 85 پايىز بولدى. ال ەكسپورت كولەمى 2020 جىلدىڭ 9 ايىمەن سالىستىرعاندا 14,3 پايىزعا ءوستى. بۇل كورسەتكىشتەرگە اۋا رايىنىڭ قولايسىزدىعىنا بايلانىستى بيىل ەگىننىڭ ازايۋىنا قاراماستان قول جەتكىزىلدى», دەدى ۇكىمەت باسشىسى.
ونىڭ دەرەگىنشە, «بايتەرەك» حولدينگى جەلىسى بويىنشا اگروونەركاسىپتىك كەشەننىڭ ينۆەستيتسيالىق جوبالارىنا بيىل 63 ملرد تەڭگە ءبولىندى. جالپى حولدينگ اۋىل شارۋاشىلىعى سالاسىن قارجىلاندىرۋعا وسى جىلى شامامەن 400 ملرد تەڭگە جۇمسادى.
«بيىل بارلىق وڭىرلەردە ينۆەستيتسيالىق جوبالاردى ىسكە اسىرۋ بويىنشا وڭ ديناميكا تىركەلىپ وتىر. اگروونەركاسىپتىك 266 ينۆەستجوبا ىسكە اسىرىلدى. جالپى سوماسى - 239 ملرد تەڭگە. ونىڭ ىشىندە 36 تاۋارلىق-ءسۇت فەرماسى, 27 جوبا وسىمدىك شارۋاشىلىعى ونىمدەرىن وڭدەۋ بويىنشا, 6 ەت كومبيناتى مەن 13 قۇس فابريكاسى بار. وسى جوبالاردى ىسە اسىرۋ ەسەبىنەن يمپورتقا تاۋەلدىلىك ءبىر جىلدا 15 پايىزعا ازايدى. ءسۇت ونىمدەرى بويىنشا وتاندىق ءوندىرىس 51,4 پايىزدان 70 پايىزعا دەيىن ۇلعايدى. شۇجىق ونىمدەرى بويىنشا جىلىنا 60,5 پايىزدان 70 پايىزعا دەيىن, ال قۇس ەتى بويىنشا 58-دەن 75 پايىزعا ءوستى. وتاندىق المامەن قامتاماسىز ەتۋ 73 پايىزدان 80 پايىزعا دەيىن, قانت ءوندىرىسى 31,1 پايىزدان 60 پايىزعا دەيىن ارتتى. ال بالىق ءوسىرۋ كولەمى 4 مىڭ تونناعا كوبەيدى. ياعني, جىلىنا 30 پايىزعا ءوستى. بۇل قارقىندى تومەندەتپەي وسى جىلى جانە الداعى جىلدارعا جوسپارلانعان جوبالاردى ۋاقىتى ىسكە اسىرۋدى قامتاماسىز ەتۋ ماڭىزدى», دەدى اسقار مامين.
