وندا «قازاقستان رەسپۋبليكاسىنداعى ادام قۇقىقتارى جونىندەگى ۋاكىل تۋرالى» زاڭ جوباسى تالقىلاندى.
ۆەنەتسيا كوميسسياسى رەتىندە كوبىرەك تانىمال, دەموكراتياعا قۇقىق ارقىلى قادام باسقان ەۋروپالىق كوميسسيا ونىڭ قىزمەتىنە قاتىساتىن مەملەكەتتەرگە كونستيتۋتسيالىق جانە قۇقىقتىق كومەك كورسەتەتىن تاۋەلسىز كونسۋلتاتيۆتىك ورگان. قازاقستان رەسپۋبليكاسى كوميسسياعا 2012 جىلدان باستاپ مۇشە بولىپ كەلەدى.
كوميسسيا مۇشەلەرى ومبۋدسمەن ينستيتۋتىنىڭ زاڭنامالىق بەكىتىلۋىن قولداي وتىرىپ جالپى العاندا ونىڭ زاڭ جوباسىنداعى تاۋەلسىز مارتەبەسى مەن قىزمەتىن جۇزەگە اسىرۋ بارىسىندا زاڭ ۇستەمدىگى قاعيداسىنىڭ بەلگىلەنۋىن جوعارى باعالادى.
سونداي-اق قۇجاتتىڭ مازمۇندىق بولىگى بويىنشا جەكە تىلەكتەر ايتىلدى, ول ءوزارا كەلىسىم بويىنشا ودان ءارى يمپلەمەنتاتسيالاۋ بارىسىندا ىسكە اساتىن بولادى.
«قازاقستان پارلامەنتى ۆەنەتسيا كوميسسياسىمەن ىنتىماقتاستىقتى جوعارى باعالايدى جانە ءبىزدىڭ زاڭ جوبامىزدىڭ جان-جاقتى, وبەكتيۆتى قارالعانى جانە ول بويىنشا سىندارلى ءارى پايدالى ۇسىنىمدار بەرىلگەنى ءۇشىن وعان العىس بىلدىرەدى. پرەزيدەنت قاسىم-جومارت توقاەۆتىڭ باستاماسى بويىنشا قازاقستاندا جان-جاقتى رەفورمالار ءجۇرىپ جاتقاندا بۇل ۇسىنىستاردى جۇزەگە اسىرۋ جولدارى تابىلاتىن بولادى», دەپ اتاپ ءوتتى سەنات توراعاسىنىڭ ورىنباسارى اسقار شاكىروۆ ءوز سوزىندە.
قارالعان زاڭ جوباسى بويىنشا وتىرىس سوڭىندا ءتيىستى قورىتىندى قابىلداندى.
كوميسسيا سونداي-اق ومبۋدسمەن ينستيتۋتى جونىندەگى كىشى كوميسسيانىڭ ۆيتسە-پرەزيدەنتى ەتىپ قازاقستان رەسپۋبليكاسىنان كوميسسيا مۇشەسى, قازاقستان رەسپۋبليكاسى پرەزيدەنتىنىڭ جانىنداعى ادام قۇقىقتارى جونىندەگى كوميسسيانىڭ توراعاسى يگور روگوۆتى سايلاۋ تۋرالى شەشىم قابىلدادى.
«قازاقستان رەسپۋبليكاسىنداعى ادام قۇقىقتارى جونىندەگى ۋاكىل تۋرالى» زاڭ جوباسى مەملەكەت باسشىسىنىڭ قازاقستان رەسپۋبليكاسى پارلامەنتىنىڭ VII شاقىرىلىمداعى ءبىرىنشى سەسسياسىنىڭ اشىلۋىندا ايتقان تاپسىرماسىنا سايكەس ازىرلەنگەن بولاتىن.
ءبىر توپ پارلامەنت دەپۋتاتتارى وسى تاپسىرمانى ورىنداۋ ماقساتىندا زاڭ جوباسىن ازىرلەۋ تۋرالى باستاما كوتەردى, وعان مەملەكەتتىك ورگانداردىڭ, حالىقارالىق ۇيىمداردىڭ جانە ازاماتتىق قوعامنىڭ اۋقىمدى وكىلدەرى قاتىستى.
