«ەل پرەزيدەنتى دجو بايدەن ەڭ قاتتى زارداپ شەككەن ايماقتارعا شۇعىل تۇردە كومەك جىبەرۋدى بۇيىردى», دەپ حابارلادى اق ۇيدە وتكەن بريفينگتە.
اقش پرەزيدەنتى تۆيتتەردەگى پاراقشاسىندا «تابيعي اپات سوققىسىنان جاقىندارىنان ايىرىلۋ – ەڭ ۇلكەن قاسىرەت» ەكەنىن اتاپ ءوتتى.
«بۇل – شتاتىمىزدىڭ تاريحىنداعى ەڭ جويقىن تورنادو. ءزىلزالانىڭ سالدارىنان گرەيس ايماعىندا, باسقا جەرلەردە نە بولىپ جاتقانىن كورگەندەر ونى سوزبەن ايتىپ جەتكىزە المايدى. مۇنداي قيراتۋدى ەشقاشان كورگەن ەمەسپىن. ونەركاسىپ عيماراتتارى قۇلاعان, شاتىرلار ۇشتى, اعاشتار تامىرىمەن ج ۇلىنعان, جۇك كولىكتەرى اۋادا ۇشىپ, جەرگە قۇلاعان», دەپ مالىمدەدى كەنتۋككي شتاتىنىڭ گۋبەرناتورى ەندي بەشير.
بەشير تورنادو سالدارىنان زارداپ شەككەندەر سانى كۇن سوڭىندا 100 ادامعا جەتۋى مۇمكىن ەكەنىن جاسىرمادى.
شتاتتا توتەنشە جاعداي رەجيمى ەنگىزىلگەن. تورنودا سالدارىن جويۋ ماقساتىندا ۇلتتىق گۆارديا بولىمشەلەرى جۇمىس اتقارۋدا. تورنادو سالدارىنان ەڭ قاتتى زارداپ شەككەن مەيفيلد قالاسىنىڭ تۇرعىندارى بولعان وقيعانى كوپتوننالى بومبانىڭ جارىلۋىمەن سالىستىردى.
بۇكىل قالا ەلەكتر جارىعىنسىز قالعان.
