«ۇستالعانداردىڭ اۆتوكولىگىنەن كولىك اشۋعا ارنالعان تەحنيكالىق قۇرالدار, راديوستانتسيالار, ماڭدايشامدار مەن قولعاپتار تابىلىپ, تاركىلەندى. كۇدىكتىلەردى ۇستاۋ كەزىندە پوليتسيا قىزمەتكەرلەرى دەنە كۇشىن قولدانعان. كۇدىكتىنىڭ بىرەۋى عيماراتتا ءوزىن ناشار سەزىنىپ, جەدەل جاردەم كەلگەن ۋاقىتتا مەديتسينا قىزمەتكەرلەرى ونىڭ قايتىس بولعانىن ناقتىلاعان», دەدى ە.جۇماحانبەتوۆ.
سونداي-اق, پوليتسيانىڭ لاۋازىمدى تۇلعالارىنا قاتىستى قىلمىستىق ءىس قوزعالىپ, وبەكتيۆتىلىك ماقساتىندا ارنايى پروكۋرورلار دەپارتامەنتى تەرگەپ جاتقاندىعىن جەتكىزدى.
«وسى فاكتى بويىنشا جۇرگىزىلگەن قىزمەتتىك تەرگەۋ ۇستاۋعا قاتىسقان قىزمەتكەرلەر جانە ولاردىڭ ءىس-ارەكەتىنە باقىلاۋدى قامتاماسىز ەتپەگەن باسشىلارى ىشكى ىستەر ورگاندارىنان شىعارىلدى. سونىمەن قاتار, ولاردىڭ قىلمىستىق ءىستى تەرگەۋ شەڭبەرىندەگى ءىس-ارەكەتىنە قۇقىقتىق باعا بەرىلەدى», دەدى ول.
ءىستىڭ ءمان-جايىن انىقتاۋ ءۇشىن شىمكەنت قالاسىنا ءىىم-نەن ءمينيستردىڭ ورىنباسارى باستاعان كوميسسيا كەلدى.
