قىتاي وتاشىلارى جاس جىگىت ارقاسىنداعى الىپ ىسىكتى سىلىپ تاستادى

قىتاي وتاشىلارى جاس جىگىتتىڭ ارقاسىنا ءوسىپ شىققان ىسىكتى الىپ تاستادى. بۇل تۋرالى Lenta.ru حابارلادى. «حيرۋرگتەر جاس قىتايلىقتى ارقاسىنا ون جىلداي ۋاقىت تاڭىپ كەلگەن جۇگىنەن قۇتقاردى. يان سياونىڭ ارقاسىندا سىرتقى كەلبەتى ريۋكزاكقا ۇقسايتىن, سالماعى 10 كيلو تارتاتىن وراسان زور ىسىك پايدا بولدى. دارىگەرلەر ىسىكتى الىپ تاستاۋ وتاسىنىڭ وتە قاۋىپتى ەكەنىن, بىراق ونى الىپ تاستاماسا, ىسىكتىڭ ودان ءارى ۇلعايىپ, جىگىتتى مۇلدە قوزعالۋ مۇمكىندىگىنەن ايىراتىنىن ايتتى», – دەپ جازدى «The Daily Mail» گازەتى. جالپى, بۇل ىسىك يان سياونىڭ دەنەسىنە ءجاسوسپىرىم كەزىنەن وسە باستاعان ەكەن. باسىندا ونىڭ موينىنا كولەمى تاۋىقتىڭ جۇمىرتقاسىنداي بولاتىن ىسىك شىققان. كەيىن ول بىرتە-بىرتە ۇلكەيىپ, ارقاسىنا قاراي اۋىسقان. 2007 جىلى دارىگەرلەر وعان فيبروماتوز دەگەن دياگنوز قويىپ, وپەراتسيا جاساۋدى ۇسىنعان. الايدا, سونىڭ الدىندا عانا ايەلىنەن ايرىلىپ قالعان جاس جىگىتتىڭ اكەسى ۇلىنا وتا جاساۋعا كەلىسىم بەرمەپتى. يان سياو وپەراتسيا ۇستەلىنە سودان التى جىل وتكەننەن كەيىن ءبىر-اق كەلدى. وتا توعىز ساعاتقا جۋىق سوزىلعان. ازىرگە ول اۋرۋحانادا ەمدەۋ كۋرسىن الىپ جاتىر. حيرۋرگتەر العاش رەت سالماعى 25,5 كيلو بولاتىن ىسىكتى 2010 جىلى برازيليادا الىپ تاستاعان ەكەن. سول كەزدە حيرۋرگ وسكار لوپەس مۇنداي كورىنىستىڭ مەديتسينا سالاسىندا العاش رەت كەزدەسىپ وتىرعانىن ايتقان ەدى. ايدار ورىسباەۆ. دەرەككوز: Lenta.ru. فوتو: Ilis.ru.