«قايرات» H توبىندا سىنعا ءتۇستى. قارسىلاستارى - شۆەيتساريانىڭ «بازەل», ازەربايجاننىڭ «كاراباح» جانە كيپردىڭ «ومونيا» كوماندالارى. بۇعان دەيىن الماتىلىق كلۋب ءوز توبىندا بەس ويىن وتكىزدى.
العاشقى تۋردا «ومونيامەن» تەڭ ءتۇسىپ, قالعانىندا قارسىلاستارىنا ەسە جىبەردى. ەكى كوماندا دا جارىستى جالعاستىرۋ مۇمكىندىگىنەن ەرتەرەك قول ۇزگەن ەدى. سوندىقتان قايسىسى جەڭىسكە جەتسە دە ەۋروكۋبوك ويىندارىن ەرتەرەك اياقتايتىن.
كەزدەسۋ بارىسىندا كوماندالار شابۋىلعا كوبىرەك كوڭىل ءبولدى. دەگەنمەن مۇمكىندىكتەرىن ءمۇلت جىبەرىپ جاتتى. ءبىرىنشى كەزەڭنىڭ سوڭىنا تامان «ومونيا» قاقپاسىنا بەلگىلەنگەن پەنالتيدى جواو پوالو پايدالانا العان جوق. ەكىنشى كەزەڭدە دە كوماندالار گول سوعۋ مۇمكىندىگىن قاراستىردى. دەگەنمەن تابلوداعى ەسەپ وزگەرگەن جوق.
ويىن 0:0 ەسەبىمەن تەڭ اياقتالدى. اتالعان توپتا «بازەل» جانە «كاراباح» جارىستىڭ كەلەسى ساتىسىنا جولداما الدى.
