ەندى اتالعان توپتاعى ۇشتىككە ىلىككەن قۇرامالار D توبىنداعى نيدەرلاندى, شۆەتسيا جانە پۋەرتو-ريكومەن ەكىنشى توپقا بىرىكتىرىلدى. جارىس ەرەجەسى بويىنشا ەندى ءاربىرى بۇرىن كەزدەسپەگەن قارسىلاسىمەن كۇش سىناسادى.
بۇگىنگى كەزدەسۋدى قازاقستاندىق گاندبولشىلار ءساتتى باستاعان ەدى. العاشقى مينۋتتاردا قارسىلاس قاقپاسىنا ءجيى گول سوقتى. ناتيجەسىندە 3:1 ەسەبىمەن الدا تۇردى. ودان كەيىن شۆەتسيالىق سپورتشىلار باسىمدىق تانىتتى.
كەزدەسۋدە قازاقستاندىق گاندبولشىلار قارسىلاسىنا 20:55 ەسەبىمەن ەسە جىبەردى. قازاقستاندىق گاندبولشىلار ەندى 11 جەلتوقساندا نيدەرلاندىمەن كەزدەسسە, 13 جەلتوقساندا پۋەرتو-ريكومەن شەبەرلىك بايقاسادى.
