بۇگىن قاراعاندىدا وبلىستىق ءماسليحاتتىڭ كەزەكتى IX سەسسياسى ءوتىپ, ونىڭ بارىسىندا وكتيابر اۋدانىنىڭ اتاۋىن وزگەرتۋ ماسەلەسى قارالدى. سەسسيا جۇمىسىنا ايماق باسشىسى جەڭىس قاسىمبەك قاتىستى. دەپۋتاتتار مەن اكىمدىك بىرلەسىپ شىعارعان شەشىم بويىنشا, وكتيابر اۋدانى اتاۋى وزگەرتىلدى.
«سەسسيادا وكتيابر اۋدانىنا ءاليحان بوكەيحان ەسىمىن بەرۋ تۋرالى بۇرىن دايىندالعان اكىمدىك پەن ءماسليحات قاۋلىسى قارالدى. ەندى اۋدان ءاليحان بوكەيحان اۋدانى بولىپ اتالماق. ءتيىستى قۇجاتتار ادىلەت مينيسترلىگىنە تىركەۋگە جىبەرىلدى», دەدى قاراعاندى وبلىسىنىڭ تىلدەردى دامىتۋ جونىندەگى باسقارما وكىلى.
ايتا كەتەيىك, بيىل ناۋرىزدا قاراعاندىدا وكتيابر اۋدانىنىڭ اتاۋىن وزگەرتۋ بويىنشا قوعامدىق تىڭداۋلار وتكەن بولاتىن. تىڭداۋلار قالانىڭ ءارتۇرلى بولىگىندە 15 جەردە ءوتتى. اتىن وزگەرتۋ تۋرالى شەشىم كوپشىلىك داۋىسپەن بەكىتىلدى.
