«وسى جىلعى قاڭتار-قاراشا ايلارىندا قازاقستان ەكونوميكاسىنىڭ ءوسۋ قارقىنى 3,8 پايىزعا دەيىن جەدەلدەدى. وسى ەسەپتى كەزەڭدە نەگىزگى ترەندتەر بويىنشا قىزمەت كورسەتۋ سەكتورىنداعى ءوسىمنىڭ جىلدامداۋى, ناقتى سەكتورداعى ءوسۋ قارقىنىنىڭ تۇراقتىلىعى, ەكسپورتتىڭ جوعارى كورسەتكىشتەرى ارقاسىندا ساۋدا بالانسىنىڭ نىعايۋى, ءوندىرۋشى ەمەس سەكتورلارداعى جوعارى ينۆەستيتسيالىق بەلسەندىلىك بايقالۋدا», دەدى مينيستر.
ونىڭ اتاپ وتۋىنشە, 11 ايدا ناقتى سەكتورداعى ءوسىم 2,9 پايىزدى قۇرادى.
«قىزمەت كورسەتۋ سالاسىندا ىسكەرلىك بەلسەندىلىك 3,9 پايىزعا دەيىن ءوستى. سالالار اراسىندا اقپارات جانە بايلانىس, ساۋدا, سۋمەن جابدىقتاۋ, قۇرىلىس, ەلەكترمەن جابدىقتاۋ, وڭدەۋ ونەركاسىبى جوعارى ءوسىم كورسەتۋدە», دەدى اسەت ەرعاليەۆ.
