ەلوردا • 08 جەلتوقسان، 2021

مەرەكە كۇندەرى شەكتەۋ شارالارىن ەسكەرۋ كەرەك – سارحات بەيسەنوۆا

28 رەت كورسەتىلدى

نۇر-سۇلتان قالاسىنىڭ باس مەملەكەتتىك سانيتار دارىگەرى سارحات بەيسەنوۆا «سارى» ايماقتا مەرەكەلەر قالاي وتەتىنىن ءتۇسىندىردى، دەپ حابارلايدى Egemen.kz.

«ەپيدەميولوگيالىق جاعدايدى باعالاۋ ماتريتساسىنا سايكەس، ەلوردا 26 قازاننان باستاپ «سارى» ايماققا كىردى. جەلتوقسان مەرەكەلەرى قارساڭىندا قر باس مەملەكەتتىك سانيتار دارىگەرىنىڭ 2021 جىلعى 24 قىركۇيەكتەگى №44 قاۋلىسىنىڭ 5-قوسىمشاسى نەگىزىندە سالتاناتتى، ەستەلىك جانە وتباسىلىق ءىس-شارالاردى (بانكەتتەر، ۇيلەنۋ تويى، مەرەيتويلار) «سارى» ايماقتا 50%-عا دەيىن، 70 ورىننان اسىرماي، بارلىق كەلۋشىلەر مەن قىزمەتكەرلەردىڭ «جاسىل» مارتەبەسى بولعان جاعدايدا عانا وتكىزۋگە رۇقسات ەتىلەدى»، دەدى سارحات بەيسەنوۆا اكىمدىكتە وتكەن بريفينگتە.

سونىمەن بىرگە، سپيكەر قالانىڭ «سارى» ايماقتا بولۋى قر باس مەملەكەتتىك سانيتار دارىگەرىنىڭ ءتيىستى قاۋلىلارىمەن بەلگىلەنگەن كارانتين شەكتەۋلەرىن جويمايتىنىن ەسكە سالدى.

«الداعى مەرەكەلەر ەپيدەميولوگيالىق جاعدايدىڭ ناشارلاۋىنا جانە كوروناۆيرۋس ينفەكتسياسىنىڭ كوبەيۋىنە اكەلمەۋى كەرەك جانە بۇل ءبىزدىڭ ءجۇرىس-تۇرىسىمىزعا جانە الدىن الۋ شارالارىنا تىكەلەي بايلانىستى ەكەنىن تۇسىنگەنىمىز ءجون. سوندىقتان قالا تۇرعىندارىن جاڭا جىلدى كىشىگىرىم ورتادا، ءوز تۋىستارىمەن بىرگە وتكىزۋگە شاقىرامىن»، دەدى س. بەيسەنوۆا.

سوڭعى جاڭالىقتار

مۇناي باعاسى كوتەرىلە مە؟

ەكونوميكا • كەشە

الاشوردا وفيتسەرى

قازاقستان • كەشە

471 مىڭ دوللارعا ساتىلدى

ادەبيەت • كەشە

شابىت پەن شاراپ

ادەبيەت • كەشە

ۇقساس جاڭالىقتار