بولجام بويىنشا, 9-11 جەلتوقسان كۇندەرى ەلىمىزدە 35 گرادۋسقا دەيىن اياز كۇتىلەدى.
«9 جەلتوقساندا ەل اۋماعىنىڭ باسىم بولىگىنە جاۋىن-شاشىنسىز اۋا رايىن الىپ كەلەتىن, كەڭ انتيتسيكلوننىڭ ىقپالىندا بولادى. سولايشا تۇندە قازاقستاننىڭ سولتۇستىگىندە, شىعىسىندا جانە ورتالىعىندا اۋا تەمپەراتۋراسى 20-25 گرادۋسقا دەيىن, كەي جەرلەردە 30 گرادۋس اياز بولادى. 10 جەلتوقساندا شىعىس قازاقستان وبلىسىنىڭ سولتۇستىك-شىعىسىندا 35 ايازعا دەيىن تومەندەيدى دەپ كۇتىلۋدە.
ەلدىڭ باتىس وڭىرلەرىنە قارا تەڭىز اۋداندارىنان تسيكلون اسەر ەتە باستايدى. ول كەيىنگى ەكى تاۋلىكتە رەسپۋبليكانىڭ قالعان اۋماقتارىنا — شىعىس باعىتتارىنا قاراي اۋىسىپ, وزىمەن بىرگە جاۋىن-شاشىن (جاڭبىر, قار), كوكتايعاق, جەلدىڭ 15-25 م/س كۇشەيۋىن الىپ كەلەدى.
11 جەلتوقساننىڭ تۇنىندە رەسپۋبليكانىڭ سولتۇستىك جارتىسىندا اۋا تەمپەراتۋراسى 5-10-عا, كەي جەرلەردە 15-20-عا, شىعىس قازاقستان وبلىسىنىڭ سولتۇستىك-شىعىسىندا 25 گرادۋس اياز بولۋى مۇمكىن», دەپ حابارلايدى«قازگيدرومەت» رمك ءباسپاسوز قىزمەتى.
