«الماتى جىلۋ جۇيەسى» مەكەمەسىنىڭ مالىمەتىنشە, رىسقۇلوۆ داڭعىلى مەن جانسۇگىروۆ كوشەسىنىڭ قيىلىسى ارقىلى وتەتىن ۋچاسكەدەگى جىلۋ ماگيسترالى جوندەلدى.
«7 جەلتوقساندا بولعان اپاتتان كەيىن ديامەترى 1000 مم قۇبىر سەگمەنتىن قالپىنا كەلتىرۋ جۇمىسى اياقتالدى.
سىناقتان كەيىن جىلۋ ماگيسترالى قايتادان ىسكە قوسىلدى جانە شتاتتىق رەجيمدە جۇمىس ىستەپ تۇر. جول قوزعالىسىن قالىپقا كەلتىرۋ ءۇشىن كۇندىز اسفالت جابىنى قالپىنا كەلتىرىلگەنگە دەيىن اپات بولعان جەر ارنايى تاقتايشالارمەن جابىلدى», دەپ حابارلادى كومپانيادان.
كەشە كەشكى ساعات 18.30-دان باستاپ رىسقۇلوۆ داڭعىلى بويىمەن باتىس باعىتتا (سولتۇستىك جاعى) كولىكتەر ءۇشىن قوزعالىس جارتىلاي قالىپقا كەلتىرىلگەن بولاتىن. 8 جەلتوقسان كۇنى تاڭعى ساعات 9:00-دە قوزعالىس تولىعىمەن قالپىنا كەلتىرىلدى.
ەسكە سالايىق, 7 جەلتوقسان كۇنى الماتىدا رىسقۇلوۆ پەن جانسۇگىروۆ كوشەلەرىنىڭ قيىلىسىندا ىستىق سۋ قۇبىرى جارىلعان ەدى.
