ايماقتار • 08 جەلتوقسان، 2021

مىڭ ءۇش جۇزدەن استام حالىقتى اۋىزسۋمەن قامتاماسىز ەتەتىن نىسان قۇرىلىسى اياقتالدى

64 رەت كورسەتىلدى

اقتوبە وبلىسى ىرعىز اۋدانى شەڭبەرتال مەن جانىس بي اۋىلدارىنداعى توپتىق سۋ قۇبىرى جۇيەلەرىنىڭ قۇرىلىس جۇمىستارى اياقتالدى، دەپ حابارلايدى Egemen.kz.

قازىر ماماندار  نىساندى سىناقتان وتكىزىپ جاتىر. بۇل تۋرالى «قازسۋشار» رمك وكىلدەرى اتالعان وڭىرگە ىسساپارعا بارعاندا بەلگىلى بولدى.  

شەڭبەرتال مەن جانىس بي اۋىلى قالادان 360 شاقىرىم جەردە ورنالاسقان. شالعايداعى اۋىلدا اۋىزسۋ ماسەلەسى بۇرىن وزەكتى بولسا، قازىر تۇبەگەيلى شەشىلدى. ويتكەنى ەكولوگيا مينيسترلىگىنىڭ سۋ رەسۋرستار كوميتەتى الەۋمەتتىك ماڭىزى بار تىڭ  جوبانى جۇزەگە اسىردى. «قازسۋشار» رمك اقتوبە فيليالى ديرەكتورى ورىنباسارىنىڭ سوزىنشە قازىر نىساندى كوممۋنالدىق مەنشىككە وتكىزۋ ءۇشىن قۇجاتتار راسىمدەلىپ جاتىر.

«قازىرگى تاڭدا وسى جوبا بويىنشا قۇرىلىس  جۇمىستارى ءبىتتى. بۇگىن اياقتالعان نىساندى تاجىريبە جۇزىندە ىسكە قوستىق. كەلەسى جىلدىڭ مەملەكەتتىك كوميسسيانىڭ وڭ قورىتىندىسىمەن ىرعىز اۋداندىق اكىمدىگىنە  كوممۋنالدىق مەنشىگى رەتىندە تاپسىرىلادى. سودان كەيىن اۋىز سۋعا تاريف بەكىتىلىپ، تولىقتاي پايدالانۋعا بەرىلەدى. وسىلايشا اتالعان ەكى اۋىلدا  اۋىزسۋ ماسەلەسى تۇگەلدەي شەشىلەدى»، دەدى «قازسۋشار» رمك اقتوبە فيليالى ديرەكتورىنىڭ ورىنباسارى ءادىلجان الىزاق.        

جاڭا نىساننىڭ قۇرىلىسى اياقتالعانىنا اۋىل تۇرعىندارى ءدان ريزا. جانىس بي اۋىلىنىڭ بايىرعى تۇرعىنى سايىتبەك تولەگەننىڭ ايتۋىنشا وسى ۋاقىتقا دەيىن اۋىل تۇرعىندارى  اۋىز سۋدى قۇدىقتان العان. سول سەبەپتەن بۇرىن قيىندىقتار بولعانىن ايتادى.

«بىزدەردە ەندى اۋىزسۋ ماسەلەسى اۋىلدىق جەردە قيىن بولدى. توپتىق سۋ قۇبىرى اشىلىپ، سۋ بەرىلەيىن دەپ جاتىر دەگەندى ەستىپ قۋانىپ جاتىرمىز، ءماز بولىپ جاتىرمىز. بارشا حالىقتىڭ اتىنان العىسىمدى ايتامىن، قۋانىشتىمىز»، دەيدى اۋىل تۇرعىنى سايىتبەك تولەگەن.

ايتا كەتۋ قاجەت، جوبا «قازسۋشار» رمك-نىڭ تەحنيكالىق جەتەكشىلىگىمەن جۇزەگە استى. سۋ قۇبىرىنىڭ ۇزىندىعى  42،349 شاقىرىمدى  قۇرايدى. قۇبىردىڭ سۋ وتكىزۋ قابىلەتى تاۋلىگىنە  4 495،92 تەكشە مەتر. اياقتالعان جوبا مىڭ ءۇش جۇزدەن استام تۇرعىنى بار جانىس بي مەن شەڭبەرتال اۋلىن ساپالى اۋىزسۋمەن قامتاماسىز ەتەدى. 

سوڭعى جاڭالىقتار

مۇناي باعاسى ارزاندادى

ەكونوميكا • بۇگىن، 13:23

دوستىق بەسىگى

ايماقتار • بۇگىن، 08:43

ەل كۋبوگى ءۇشىن تالاسادى

فۋتبول • بۇگىن، 08:40

شيرەك فينالدا ۇتىلدى

تەننيس • بۇگىن، 08:39

دايارلىقتارىن پىسىقتادى

حوككەي • بۇگىن، 08:37

ۇقساس جاڭالىقتار