ۇكىمەت • 08 جەلتوقسان، 2021

ا. مامين قىرعىزستان ۇكىمەتىنىڭ باسشىسى ا. جاپاروۆپەن كەلىسسوز جۇرگىزدى

47 رەت كورسەتىلدى

7 جەلتوقساندا قر پرەمەر-ءمينيسترى اسقار مامين قازاقستانعا جۇمىس ساپارىمەن كەلگەن قىرعىز رەسپۋبليكاسى مينيسترلەر كابينەتىنىڭ توراعاسى – پرەزيدەنتى اكىمشىلىگىنىڭ باسشىسى اقىلبەك جاپاروۆپەن كەلىسسوز جۇرگىزدى، دەپ حابارلايدى Egemen.kz.

ۇكىمەت باسشىلارى ساۋدا-ەكونوميكالىق، ينۆەستيتسيالىق، سۋ-ەنەرگەتيكالىق، ترانزيتتىك-كولىك، اسكەري-تەحنيكالىق سالالارداعى، اوك، ونەركاسىپتىك كووپەراتسيا مەن دەنساۋلىق ساقتاۋداعى ىنتىماقتاستىقتىڭ وزەكتى ماسەلەلەرىن تالقىلادى.

ونەركاسىپتە، اۋىل شارۋاشىلىعىندا، ءبىلىم بەرۋ مەن تۋريزمدە ءوزارا ءىس-قيمىلدى ودان ءارى كەڭەيتۋ ءۇشىن ۇلكەن الەۋەتتىڭ بار ەكەنى اتاپ ءوتىلدى. سونداي-اق ەاەو جانە باسقا دا ينتەگراتسيالىق بىرلەستىكتەر اياسىنداعى ىنتىماقتاستىق ماسەلەلەرى قارالدى.

ەكىجاقتى تاۋار اينالىمى 2021 جىلدىڭ 9 ايىندا $680 ملن-نان استى، بۇل 2020 جىلدىڭ سايكەس كەزەڭىنىڭ كورسەتكىشىنەن 8،8%-عا جانە پاندەمياعا دەيىنگى 2019 جىلدىڭ توعىز ايىنداعىمەن سالىستىرعاندا 1،2%-عا جوعارى. تاراپتار ساۋدا كولەمىن $1 ملرد دەيىن جەتكىزۋگە جانە ساتىلاتىن تاۋارلار مەن قىزمەتتەر نومەنكلاتۋراسىن كەڭەيتۋگە نيەتتى.

قازاقستان قىرعىزستان ەكونوميكاسىنىڭ ءىرى ينۆەستورلارىنىڭ قاتارىندا. 2005 جىلدان باستاپ قازاقستاننان قىرعىزستانعا تىكەلەي ينۆەستيتسيالاردىڭ جيناقتالعان كولەمى $1 ملرد-تان اسادى. بيىل قر-داعى قىرعىز كاسىپورىندارىنىڭ سانى 1273-تەن 1983 كومپانياعا دەيىن نەمەسە 55%-عا ارتتى.

قر پرەمەر-ءمينيسترى ا. مامين ترانزيتتىك-كولىك سالاسىنداعى ءوزارا ءىس-قيمىلدىڭ وڭ قارقىنىن اتاپ ءوتتى. ەكى ەلدىڭ شەكاراسىندا 7 اۆتوموبيل وتكىزۋ پۋنكتى جۇمىس ىستەيدى. وسى جىلدىڭ 17 قاراشاسىنان باستاپ نۇر-سۇلتان – بىشكەك باعىتى بويىنشا اپتاسىنا 2 رەت جيىلىكپەن تۇراقتى اۋە رەيسى قالپىنا كەلتىرىلدى. بۇگىنگى تاڭدا ەلدەر اراسىندا اپتاسىنا 11 رەيس ورىندالادى. وسى جىلدىڭ 10 ايىندا قازاقستان اۋماعى ارقىلى قىتايدان قىرعىزستانعا تاۋارلار ءترانزيتىنىڭ كولەمى 178 مىڭ توننادان 265،7 مىڭ تونناعا دەيىن 1،5 ەسە ءوستى.

ۇكىمەت باسشىسى ەكى ەلدىڭ سۋ-ەنەرگەتيكا سالاسىنداعى ىنتىماقتاستىعىنا، سونىڭ ىشىندە سىرداريا، شۋ جانە تالاس ترانسشەكارالىق وزەندەرىنىڭ سۋ رەسۋرستارىن رەتتەۋ جونىندەگى جەدەل شارالاردى بىرلەسىپ قابىلداۋىنا جوعارى باعا بەردى. قىرعىز تاراپىنىڭ توقتوعۇل سۋ قويماسىنان قوسىمشا سۋ اعىزۋى قازاقستاننىڭ وڭتۇستىك وڭىرلەرىندەگى شارۋالاردىڭ سۋ از كەزدە سۋارمالى سۋعا دەگەن قاجەتتىلىگىن قامتاماسىز ەتۋگە مۇمكىندىك بەرگەنى اتاپ ءوتىلدى.

كەلىسسوز قورىتىندىسى بويىنشا ورتالىق ازيا ايماعىنىڭ قاۋىپسىزدىگىن قامتاماسىز ەتۋ شەڭبەرىندە قىرعىز رەسپۋبليكاسىنا وتەۋسىز اسكەري-تەحنيكالىق كومەك كورسەتۋ تۋرالى ۇكىمەتارالىق كەلىسىمگە قول قويىلدى.

ەكى ەلدىڭ دەنساۋلىق ساقتاۋ مينيسترلىكتەرى اراسىندا دەنساۋلىق ساقتاۋ سالاسىنداعى رەفەرەنتس-زەرتحانالاردى دامىتۋ جونىندەگى 2021-2023 جىلدارعا ارنالعان شارالار جوسپارىنا قول قويىلدى.

قازاقستان رەسپۋبليكاسىنىڭ ساۋدا جانە ينتەگراتسيا مينيسترلىگى مەن قىرعىز رەسپۋبليكاسىنىڭ ەكونوميكا جانە كوممەرتسيا مينيسترلىگى «قاراسۋ» جانە «اقتىلەك» وتكىزۋ پۋنكتتەرى اۋدانىندا يندۋستريالىق ساۋدا-لوگيستيكالىق كەشەندى، سونداي-اق قىرعىز رەسپۋبليكاسىنىڭ اۋماعىندا ءۇش كوتەرمە-تاراتۋ ورتالىعىن قۇرۋ جانە ولاردىڭ جۇمىس ىستەۋى جونىندەگى بىرلەسكەن ءىس-شارالار جوسپارىن قابىلدادى.

اقىلبەك جاپاروۆتىڭ نۇر-سۇلتان قالاسىنا ساپارى اياسىندا مەملەكەت باسشىسى قاسىم-جومارت توقاەۆپەن جانە قر تۇڭعىش پرەزيدەنتى – ەلباسى نۇرسۇلتان نازارباەۆپەن كەزدەسۋلەرى، «استانا» حالىقارالىق قارجى ورتالىعىنا، ۇكىمەتتىڭ تسيفرلىق كەڭسەسىنە جانە باسقا دا نىساندارعا بارۋى جوسپارلانعان.

سوڭعى جاڭالىقتار

الماتىدا ەپيداحۋال كۇردەلەنىپ بارادى

كوروناۆيرۋس • بۇگىن، 11:00

«سارى» ايماقتا تۇركىستان وبلىسى تۇر

كوروناۆيرۋس • بۇگىن، 09:10

كوروناۆيرۋس قايتا كۇشەيدى

كوروناۆيرۋس • بۇگىن، 08:54

وڭتايلىسى – ونلاين وقۋ

ايماقتار • بۇگىن، 08:53

ساپا ارتپايىنشا، سۋبسيديا جوق

ايماقتار • بۇگىن، 08:45

كوروناۆيرۋس قايتا ءورشىدى

الەم • بۇگىن، 08:42

ۆيرۋس جۇقتىرۋ ازايماي تۇر

كوروناۆيرۋس • بۇگىن، 08:30

اسىعىس شەشىم

قازاقستان • بۇگىن، 08:15

كومەك كورسەتىلەدى

قوعام • بۇگىن، 08:10

قور ستراتەگياسى ازىرلەنەدى

قازاقستان • بۇگىن، 08:00

ۇقساس جاڭالىقتار