وقيعا • 07 جەلتوقسان، 2021

تۇرعىندارعا قارۋمەن شابۋىلداعان قىلمىستىق توپ ۇستالدى

37 رەت كورسەتىلدى

الماتى وبلىسىندا قىلمىستىق توپ تاپانشامەن جانە پىشاقپەن تۇرعىندارعا شابۋىل جاساپ، توناپ كەلگەن. كۇدىكتىلەر الماتى قالاسىندا ۇستالدى، دەپ حابارلايدى Egemen.kz.

«6-9 قاراشا ارالىعىندا قاراساي اۋداندىق پوليتسياسىنىڭ كەزەكشى بولىمىنە جەرگىلىكتى تۇرعىندار قارۋلى شابۋىلعا تاپ بولعانى تۋرالى شاعىم ءتۇسىردى. تىركەلگەن 3 ەپيزودتا دا تاپانشا مەن پىشاق ۇستاعان، بەتىنە مەديتسينالىق ماسكا كيىپ، باسىن كاپيۋشونمەن بۇركەمەلەگەن 3 جىگىت كوزگە تۇسكەن. كۇدىكتىلەر تۇندە جالعىز جۇرگەن ادامداردى قارۋمەن قورقىتۋ ارقىلى قۇنى 330 مىڭنان 840 مىڭ تەڭگەگە دەيىن جەتەتىن ۇيالى تەلەفونداردى تارتىپ الىپ وتىرعان. ءىس بىتكەن سوڭ كۇدىكتىلەر كۇمىس ءتۇستى Hyundai Elantra كولىگىنە وتىرىپ، ءىز جاسىرعان. اتالعان فاكتى قر قىلمىستىق كودەكسىنىڭ «توپتىق قارۋلى قاراقشىلىق» بابى بويىنشا تىركەلدى»، دەلىنگەن قاراساي اۋداندىق پوليتسياسى تاراتقان حابارلامادا.

جەدەل-ىزدەستىرۋ جۇمىستارىن جۇرگىزگەن ساقشىلار كۇدىكتىلەردى الماتى قالاسىنان ۇستاعان.

«بۇعان دەيىن ولاردىڭ توناۋ، قاراقشىلىق، دەنساۋلىققا اۋىر زيان كەلتىرۋ جانە ۇرلىق سياقتى قىلمىس جاساعانى ءۇشىن سوتتالعانى انىقتالدى. كۇدىكتىلەردەن پىشاق، تاپانشا جانە ۇرلانعان ءۇش تەلەفوننىڭ ەكەۋى تاركىلەندى. ال ولاردىڭ استىنداعى كولىك جالعا الىنعان بولىپ شىقتى. تەرگەۋ سوتى 3 ايىپتالۋشىنىڭ دا بۇرىن سوتتالعانىن ەسكەرىپ، سوتقا دەيىنگى تەرگەۋ كەزىندە قاماۋدا ۇستاۋ تۇرىندەگى بۇلتارتپاۋ شاراسىن تاعايىندادى»، دەلىنگەن حابارلامادا.

سوڭعى جاڭالىقتار

مۇناي باعاسى كوتەرىلە مە؟

ەكونوميكا • كەشە

الاشوردا وفيتسەرى

قازاقستان • كەشە

471 مىڭ دوللارعا ساتىلدى

ادەبيەت • كەشە

شابىت پەن شاراپ

ادەبيەت • كەشە

ۇقساس جاڭالىقتار