قازاقستان • 06 جەلتوقسان، 2021

«30 جىل 30 ەسىم» ۇلتتىق جۇلدەسىنىڭ يەگەرلەرى انىقتالدى

99 رەت كورسەتىلدى

اقپارات جانە قوعامدىق دامۋ مينيسترلىگىنىڭ قولداۋىمەن «قازاقستان» تەلەراديوكورپوراتسياسى ۇيىمداستىرعان «30 جىل 30 ەسىم» ۇلتتىق بايقاۋىنىڭ جەڭىمپازدارى انىقتالدى، دەپ حابارلايدى Egemen.kz.

تەلەۆيزيالىق جۇلدە تاۋەلسىزدىكتىڭ 30 جىلدىعىنا وراي سوڭعى 30 جىلدا ءار سالادا جەتىستىككە جەتكەن بىرەگەي تۇلعالارعا تابىستالدى.

بايقاۋ ەرەجەسى بويىنشا ساراپشىلاردان قۇرالعان ارنايى كوميسسيا ىرىكتەۋىمەن ەلىمىزدىڭ عىلىم، ءبىلىم، دەنساۋلىق ساقتاۋ، اۋىل شارۋاشىلىعى، مادەنيەت، سپورت، كينو، ءداستۇرلى ونەر سياقتى 10 سالادا تابىستى ەڭبەك ەتىپ كەلە جاتقان كاسىبي ماماندار تاڭدالدى. كوميسسيا شەشىمىمەن ەكىنشى كەزەڭگە وتكەن ۇمىتكەرلەر «قازاقستان» تەلەراديوكورپوراتسياسىنىڭ www.qazaqstan.tv رەسمي سايتىندا جۇرگىزىلگەن جالپىحالىقتىق داۋىس بەرۋگە قاتىستى.

بايقاۋ قورىتىندىسى بويىنشا 10 اتالىمدا ۇزدىك شىققاندار:

«مەديتسينا جانە دەنساۋلىق ساقتاۋ سالاسىنا قوسقان ۇلەسى ءۇشىن» - مەديتسينا عىلىمدارىنىڭ دوكتورى، اكادەميك سەرىك اقشولاقوۆ، ەلىمىزدە تۇڭعىش رەت قان اينالىمىنىڭ قوسالقى قۇرىلعىلارىن يمپلانتاتسيالاۋ، دونورلىق جۇرەكتى جانە وكپەنى ترانسپلانتاتسيالاۋ سياقتى بىرقاتار كۇردەلى وتالاردى ءساتتى جۇزەگە اسىرعان حالىقارالىق دارەجەدەگى كارديوحيرۋرگ يۋري پيا، جوعارى ساناتتى دارىگەر، «التىن دارىگەر» توسبەلگىسىنىڭ يەگەرى نادەجدا پەتۋحوۆا;

«قوعامدىق بەلسەندىلىگى ءۇشىن» اتالىمى بويىنشا  ءتىل جاناشىرى اسىلى وسمان، ەلىمىزدەگى ەڭ تانىمال lider.kz ەرىكتىلەر قوزعالىسىنىڭ نەگىزىن سالۋشى ولەسيا بايموۆا، ادۆوكات، «حالىق ءۇنى» جوباسىنىڭ اۆتورى ايمان وماروۆا; 

47

«مادەنيەت سالاسىنا سىڭىرگەن ەڭبەگى ءۇشىن» ءانشى ديماش قۇدايبەرگەن، كۇيشى سەكەن تۇرىسبەكوۆ، سۋرەتشى ەربولات تولەپباي;

66

«كينو سالاسىنا سىڭىرگەن ەڭبەگى ءۇشىن» تەاتر جانە كينو اكتەرى بولات ءابدىلمانوۆ، اكتەر، قازاقستاننىڭ حالىق ءارتىسى ءاسانالى ءاشىموۆ، تەاتر جانە كينو ساحناسىندا 200-دەن اسا ءرول رومداعان اكتەر دوسحان جولجاقسىنوۆ;

«سپورت سالاسىنداعى جەتىستىكتەرى ءۇشىن» گرەك-ريم كۇرەسىنەن سەۋل وليمپياداسىنىڭ كۇمىس جۇلدەگەرى، الەم چەمپيونى، قازاقستاننىڭ ەڭبەك سىڭىرگەن جاتتىقتىرۋشىسى داۋلەت تۇرلىحانوۆ،  كاسىپقوي بوكسشى، بەيجىڭ وليمپياداسىنىڭ، ازيا ويىندارىنىڭ  قولا جۇلدەگەرى قانات يسلام، اۋىر سالماقتا الەمدىك رەكوردتى جاڭارتقان زىلتەمىرشى، ءتورت دۇركىن الەم چەمپيونى يليا يلين;

5

«عىلىمنىڭ دامۋىنا قوسقان ۇلەسى ءۇشىن» اتالىمى بويىنشا ماتەماتيك، قر ۇلتتىق عىلىم اكادەمياسىنىڭ اكادەميگى اسقار جۇمادىلداەۆ، «QazVac» ۆاكتسيناسىن جاساۋشى عالىم كۇنسۇلۋ زاكاريا، «ارالتوبە»، «بەرەل» قورىمدارىنان «التىن ادامدى» تاپقان ارحەولوگ زەينوللا ساماشەۆ; 

ء«بىلىم سالاسىنىڭ دامۋىنا قوسقان ۇلەسى ءۇشىن» دارىندى بالالارعا ارنالعان ء«بىلىم-يننوۆاتسيا» مەكتەبىنىڭ مۇعالىمى مۋاممەر گۇل، «Qazbilim» قوسىمشا ءبىلىم بەرۋ ورتالىعىنىڭ ديرەكتورى اياتجان احمەتجان ۇلى، قازاقستاننىڭ تۇڭعىش ەڭبەك ەرى، ماتەماتيكا ءپانىنىڭ مۇعالىمى اياگۇل ميرازوۆا; 

«اۋىل شارۋاشىلىعى جانە اگرووندىرىس سالاسىنا قوسقان ۇلەسى ءۇشىن» اتالىمىندا اسىل تۇقىمدى قوي ءوسىرۋشى جاس كاسىپكەر نۇريسلام ىبراەۆ، ەڭبەك ەرى، «رودينا» اگروفيرماسىنىڭ نەگىزىن قالاۋشى يۆان ساۋەر،  ەلىمىزدەگى تۇيە شارۋاشىلىعىنىڭ دامۋىنا اتسالىسىپ جۇرگەن كاسىپكەر، كونسەرۆانتسىز شۇبات ءوندىرۋشى كومپانيانىڭ يەگەرى سىدىق داۋلەتوۆ;

95+85

ء«داستۇرلى ونەردىڭ دامۋىنا قوسقان ۇلەسى ءۇشىن» كۇيشى ايگۇل ۇلكەنباەۆا، ءانشى رامازان ستامعازيەۆ، جىرشى ەلمۇرا جاڭابەرگەنوۆا; 

«ادەبيەت» اتالىمى بويىنشا جازۋشى-دراماتۋرگ دۋلات يسابەكوۆ، اقىن سۆەتقالي نۇرجان، اقىن ۇلىقبەك ەسداۋلەت ماراپاتتالدى.

ۇزدىكتەردىڭ ەسىمى 2021 جىلعى 23-30 قاراشا ارالىعىندا qazaqstan.tv سايتى ارقىلى جۇرگىزىلگەن داۋىس بەرۋ كەزەڭىندە انىقتالدى.

«30 جىل 30 ەسىم» ەسىم  بايقاۋىنىڭ جەڭىمپازدارى – حالىقتىڭ تاڭداۋى.  ۇلتتىق ارنانىڭ رەسمي سايتى ارقىلى داۋىس بەرۋگە ءبىر اپتانىڭ ىشىندە 962 858 قازاقستاندىق قاتىستى.

جەڭىمپازداردى ماراپاتتاۋ ءراسىمىنىڭ تەلەۆيزيالىق نۇسقاسى Qazaqstan تەلەارناسىنان 16 جەلتوقسان كۇنى ساعات 12:00-دە ەفيرگە شىعادى.

سوڭعى جاڭالىقتار

نگاننۋ ءجۋرناليستىڭ اۋزىن جاپتى

جەكپە-جەك • بۇگىن، 18:00

ۇقساس جاڭالىقتار