ايماقتار • 06 جەلتوقسان، 2021

قوجا احمەت ياساۋي كەسەنەسىنىڭ اۋماعىندا درون ۇشىرۋعا تىيىم سالىندى

1159 رەت كورسەتىلدى

بۇل تۋرالى «ازىرەت سۇلتان» مەملەكەتتىك تاريحي-مادەني قورىق-مۋزەيىنىڭ ءباسپاسوز قىزمەتى مالىمدەدى، دەپ جازادى Egemen.kz.

«قازاقستان رەسپۋبليكاسى يندۋستريا جانە ينفراقۇرىلىمدىق دامۋ ءمينيسترىنىڭ 2020 جىلعى 31 جەلتوقسانداعى ەلىمىزدەگى اۋە كەڭىستىگىندە پيلوتسىز ۇشۋ اپپاراتتارىن پايدالانۋ قاعيدالارىن بەكىتۋ تۋرالى № 706 بۇيرىعىنا سايكەس، «ازىرەت سۇلتان» مەملەكەتتىك تاريحي-مادەني قورىق-مۋزەيى اۋماعىندا درون اپپاراتىن رۇقساتسىز ۇشىرۋعا تىيىم سالىندى. بۇل شەشىم حالىق كوپ شوعىرلاناتىن ايماقتىڭ قاۋىپسىزدىگى جانە تاريحي ەسكەرتكىشتەردى قورعاۋ ماقساتىندا ماڭىزى زور»، دەلىنگەن حابارلامادا.

پيلوتسىز ۇشۋ اپپاراتىن كۇزەتىلەتىن وبەكتىلەردىڭ ۇستىنەن ۇشىرۋ ءۇشىن قازاقستان رەسپۋبليكاسىنىڭ ۇلتتىق قاۋىپسىزدىك ورگاندارىمەن جانە مەملەكەتتىك كۇزەت قىزمەتىمەن كەمىندە 5 جۇمىس كۇنى بۇرىن ماقۇلدانۋى ءتيىس.

«ازىرەت سۇلتان» مەملەكەتتىك تاريحي-مادەني قورىق-مۋزەيىنىڭ قورعاۋ ايماعى 88،7 گەكتاردى قۇرايدى. اتالعان اۋماققا قوجا احمەت ياساۋي، ءرابيا سۇلتان بەگىم كەسەنەلەرى مەن سەگىز قىرلى ساعانا، جەراستى قىلۋەتى، جۇما مەشىتى، كۇلتوبە قالاشىعى جانە حان ورداسى مەن حان مەشىتى سىندى تاريحي وبەكتىلەر كىرەدى.

سوڭعى جاڭالىقتار

ۇقساس جاڭالىقتار