تاعايىنداۋ • 06 جەلتوقسان، 2021

ۆەتەريناريالىق باقىلاۋ كوميتەتىنىڭ توراعاسى تاعايىندالدى

35 رەت كورسەتىلدى

قازاقستان رەسپۋبليكاسى اۋىل شارۋاشىلىعى ءمينيسترىنىڭ بۇيرىعىمەن اسقار شاكەن ۇلى جاقىپباەۆ قر اشم ۆەتەريناريالىق باقىلاۋ جانە قاداعالاۋ كوميتەتىنىڭ توراعاسى قىزمەتىنە تاعايىندالدى، دەپ حابارلايدى Egemen.kz قر پرەمەر-ءمينيسترىنىڭ ءباسپاسوز قىزمەتىنە سىلتەمە جاساپ.

اسقار جاقىپباەۆ 1963 جىلى شىعىس قازاقستان وبلىسىندا دۇنيەگە كەلگەن. سەمەي زووتەحنيكالىق-ۆەتەرينارلىق ينستيتۋتىن، الماتى ەكونوميكا جانە ستاتيستيكا اكادەمياسىن بىتىرگەن.

ەڭبەك جولىن 1980 جىلى مىڭبۇلاق سوۆحوزىنىڭ قۇرىلىس بولىمىندە جۇمىسشى بولىپ باستاعان.

1986 جىلدان باستاپ 1996 جىلعا دەيىن مىڭبۇلاق سوۆحوزىنىڭ ۆەتەرينار دارىگەرى، كومسومول كوميتەتىنىڭ حاتشىسى، مىڭبۇلاق اۋىلى اكىمدىگىنىڭ ۆەتەرينار ينسپەكتورى بولىپ جۇمىس ىستەدى.

1996-1997 جىلدارى — اياگوز اۋدانىنىڭ باس مال دارىگەرىنىڭ ەپيزووتيا جونىندەگى ورىنباسارى. 1997 جىلى سەمەي وبلىسى اۋىل شارۋاشىلىعى دەپارتامەنتىنىڭ باس مامانى قىزمەتىن اتقاردى.

1997-1999 جىلدارى — شقو ۆەتەريناريا كوميتەتىنىڭ ەپيزووتياعا قارسى ەمدەۋ-پروفيلاكتيكالىق ءبولىمىنىڭ جەتەكشى مامانى; مەڭگەرۋشىسى.

1999 جىلى شىعىس قازاقستان وبلىستىق ۆەتەريناريالىق زەرتحاناسى ۆەتەريناريالىق باقىلاۋ ستانتسياسى ديرەكتورىنىڭ ورىنباسارى، باسشىسى; شىعىس قازاقستان وبلىستىق ۆەتەريناريالىق قاداعالاۋ ەپيزووتياعا قارسى ءبولىمىنىڭ باسشىسى; ۆەتەريناريالىق قاداعالاۋ ءبولىمى باسشىسىنىڭ مىندەتىن اتقارۋشى — وبلىستىڭ باس مەملەكەتتىك ۆەتەريناريالىق ينسپەكتورى بولدى.

1999-2002 جىلدارى — قر اشم شىعىس قازاقستان وبلىستىق اۋماقتىق باسقارماسى باستىعىنىڭ ورىنباسارى.

2002-2006 جىلدارى — قر اشم شىعىس قازاقستان وبلىستىق اۋماقتىق ينسپەكتسياسى باستىعىنىڭ ورىنباسارى.

2006-2011 جىلدارى — قر اشم اگروونەركاسىپتىك كەشەندەگى مەملەكەتتىك ينسپەكتسيا كوميتەتىنىڭ شىعىس قازاقستان وبلىستىق اۋماقتىق ينسپەكتسياسى باسشىسىنىڭ ورىنباسارى; باسشىسى.

2011 جىلى اكىمشىلىك جۇمىس باسقارماسىنىڭ باسشىسى; قر اشم اگروونەركاسىپتىك كەشەندەگى مەملەكەتتىك ينسپەكتسيا كوميتەتىنىڭ توراعاسى.

2011-2016 جىلدارى — قر اشم اگروونەركاسىپتىك كەشەندەگى مەملەكەتتىك ينسپەكتسيا كوميتەتىنىڭ شىعىس قازاقستان وبلىستىق اۋماقتىق ينسپەكتسياسىنىڭ باسشىسى.

2016-2017 جىلدارى — شىعىس قازاقستان وبلىسىنىڭ ۆەتەريناريا باسقارماسىنىڭ باسشىسى.

2017-2019 جىلدارى — شىعىس قازاقستان وبلىسى اۋىل شارۋاشىلىعى باسقارماسىنىڭ باسشىسى.

2019-2021 جىلدارى — شقو بويىنشا ۇلتتىق كاسىپكەرلەر پالاتاسىنىڭ وڭىرلىك فيليالىنىڭ اوك دامىتۋ ءبولىمىنىڭ باسشىسى.

2021 جىلدىڭ ماۋسىمىنان باستاپ قازىرگى ۋاقىتقا دەيىن شقو بويىنشا ۇلتتىق كاسىپكەرلەر پالاتاسىنىڭ وڭىرلىك فيليالى ديرەكتورىنىڭ ەكونوميكالىق ماسەلەلەر جونىندەگى ورىنباسارى بولىپ قىزمەت ەتتى.

سوڭعى جاڭالىقتار

ۇقساس جاڭالىقتار