اكىمنىڭ ايتۋىنشا, سوڭعى 10 ايدىڭ قورىتىندىسى بويىنشا ونەركاسىپتەگى ءوسىم 8,1 پايىزدى, نەگىزگى كاپيتالعا سالىنعان ينۆەستيتسيالاردىڭ ءوسىمى 11 پايىزدى, قۇرىلىستاعى ءوسىم 6 پايىزدى قۇراعان.
– جىل باسىنان بەرى ونەركاسىپتىك كاسىپورىندار 1 870,2 ملرد تەڭگەنىڭ ءونىمىن ءوندىردى. ءوسىمدى نەگىزىنەن يندۋستريالاندىرۋ اياسىندا ينۆەستيتسيالىق جوبالاردى جۇزەگە اسىرعان كاسىپورىندار قامتاماسىز ەتتى. ماسەلەن, ماشينا جاساۋ, مەتاللۋرگيا, مەتالل ەمەس ونىمدەر جانە تاماق ونىمدەرى ءوندىرىسىنىڭ ۇلعايۋى ەسەبىنەن وڭدەۋ ونەركاسىبى 13,5 پايىزعا ءوستى, – دەدى ا.مۇحامبەتوۆ.
اكىم ماشينا جاساۋ سالاسىنا ەرەكشە توقتالدى. ويتكەنى بۇل سالا ءوڭىردىڭ عانا ەمەس, ەلىمىزدىڭ ەكونوميكالىق ءوسىمىنىڭ درايۆەرى سانالادى.
– اۆتوموبيل قۇراستىرۋدىڭ ناتيجەسىندە ونەركاسىپتىڭ جالپى كولەمىندەگى وڭدەۋ ونەركاسىبىنىڭ ۇلەسى 46,9 پايىزعا جەتتى. ال وڭدەۋ ونەركاسىبىندەگى ماشينا جاساۋدىڭ ۇلەسى 41,5 پايىزعا تەڭ. ەسەپتى كەزەڭدە بۇل سالادا 363,7 ملرد تەڭگەنىڭ ءونىمى ءوندىرىلدى. ءوسىم – 17,7 پايىز. اۆتوموبيل ونەركاسىبى 2021 جىلعى ناۋرىزدان باستاپ KIA ماركالى اۆتوموبيلدەرمەن تولىقتى. بۇگىنگە دەيىن 7 863-ءى
قۇراستىرىلدى. وسى جىلعى شىلدەدە «اۆتوۆاز» جانە «Renault روسسيا» كومپانيالارىمەن بىرلەسىپ LADA اۆتوموبيل جەلىسىنىڭ جانە Renault اۆتوموبيلدەرىنىڭ ءوندىرىسى رەتكە كەلتىرىلدى. الداعى ۋاقىتتا «سارىارقااۆتوپروم» سەرىكتەستىگى «ۋزاۆتوسانوات» كومپانياسىمەن جانە General Motors-پەن بىرلەسىپ Chevrolet Nexia اۆتوموبيلدەرىنىڭ ءوندىرىسىن جولعا قويۋدى جوسپارلاپ وتىر, – دەدى ايماق باسشىسى.
ەسكە سالا كەتەيىك, رەسپۋبليكادا وندىرىلگەن اۆتوكولىك قۇرالدارىنىڭ جارتىسىنان استامى قوستانايدان شىعادى. 9 ايدىڭ ىشىندە قازاقستاندا بارلىعى 63 559 اۆتوكولىك قۇراستىرىلسا, سونىڭ 38 309-ى
قوستانايعا تيەسىلى. قاڭتار-قىركۇيەك ارالىعىندا «سارىارقااۆتوپروم» بازاسىندا شىعارىلاتىن 4 برەند قازاقستانداعى ەڭ كوپ ساتىلاتىن ماركالاردىڭ بەستىگىنە ەندى. بۇل رەتتە, بىلتىر قوستانايدا ىسكە قوسىلعان Chevrolet اۆتوموبيلدەرى اتالعان رەيتينگتىڭ كوشىن باستاپ تۇر.
– ەسەپتى كەزەڭدە ءوڭىر ەكونوميكاسىنا 11 پايىزدىق وسىمىمەن 306,2 ملرد تەڭگە ينۆەستيتسيا تارتىلدى. وسى قارقىندى ودان ءارى ۇلعايتۋعا نيەتتىمىز. سوندىقتان ينۆەستيتسيالىق جوبالاردى, سونىڭ ىشىندە رەسەي فەدەراتسياسىمەن ونەركاسىپتىك كووپەراتسيانى نىعايتۋ شەڭبەرىندە جۇمىستى جالعاستىرامىز. ماسەلەن, 2020 جىلعى جەلتوقساندا «كاماز» كومپانياسىمەن بىرلەسكەن جوبا شەڭبەرىندە شويىن قۇيۋ زاۋىتىنىڭ قۇرىلىسى باستالدى. سونداي-اق TEHNOPARK KZ سەرىكتەستىگىنىڭ رەسەيلىك «لۋيدور» كومپانياسىمەن جەدەل جاردەم اۆتوموبيلدەرى, قوقىس تاسىعىشتار, كوممۋنالدىق تەحنيكا سەكىلدى ارنايى كوممەرتسيالىق تەحنيكالار ءوندىرىسىن جولعا قويۋ جونىندەگى بىرلەسكەن جوسپارى بار. ءىرى جوبانىڭ ءبىرى – اۋىل شارۋاشىلىعى تەحنيكاسى اۆتوكومپونەنتتەرىنىڭ وندىرىسىنە ارنالعان جەرگىلىكتەندىرۋ ورتالىعىن قۇرۋ, – دەدى اكىم.
سونداي-اق مينسك تراكتور زاۋىتىمەن بىرلەسىپ «بەلارۋس» تراكتورلارىنا ارنالعان كابينا وندىرەتىن زاۋىت سالىنۋدا. بۇدان بولەك «ىبىراي» جەل ەلەكتر ستانساسى بوي كوتەرمەك. بۇل وبلىستاعى العاشقى جەل پاركى بولماق.
– اۋىل شارۋاشىلىعى – وبلىس ەكونوميكاسىنىڭ ەكىنشى بازالىق باعىتى. سالادا 119 مىڭنان استام ادام جۇمىس ىستەيدى. بۇل جۇمىسپەن قامتىلعان جالپى حالىق سانىنىڭ 25,2 پايىزىنا تەڭ. 10 ايدىڭ قورىتىندىسى بويىنشا سالاداعى جالپى ءوندىرىس كولەمى 553,3 ملرد تەڭگەنى قۇرادى. بيىل استىقتىڭ جالپى ءتۇسىمى 2,9 ملن تونناعا تەڭ. وڭىردە 2015 جىلدان بەرى شامامەن 1 ملن گەكتاردان استام اۋىل شارۋاشىلىعى ماقساتىنداعى جەردىڭ پايدالانىلماي جاتقانى انىقتالدى. وسى جىلى 312,9 مىڭ گەكتار جەر اۋىل شارۋاشىلىعى ءوندىرىسىن جۇرگىزۋ ءۇشىن جالعا بەرىلدى. ءونىم تاپشىلىعىنا جول بەرمەۋ جانە ازىق-ت ۇلىك قاۋىپسىزدىگىن قامتاماسىز ەتۋ ماقساتىندا وڭىردە 210 قايتا وڭدەۋ كاسىپورنى جۇمىس ىستەيدى. وبلىس ەلىمىزدە ۇن ءوندىرىسى بويىنشا ءبىرىنشى ورىندا. سارى ماي, ءسۇت جانە قويۋلاندىرىلعان كىلەگەي بويىنشا ەكىنشى ورىندا تۇر. ەت ءوندىرىسى 4,2 پايىزعا, ءسۇت ءوندىرىسى 2,1 پايىزعا ءوستى, – دەدى ا.مۇحامبەتوۆ.
بۇگىنگى تاڭدا وبلىستا 54,5 مىڭ شاعىن جانە ورتا بيزنەس سۋبەكتىسى بار. مۇندا 158,6 مىڭ ادام جۇمىس ىستەيدى. سالاعا مەملەكەتتىك باعدارلامالار ۇلكەن اسەر ەتۋدە. ماسەلەن, بيىل بۇعان 10 ملرد تەڭگەدەن استام قارجى ءبولىنىپ, 2 261 بيزنەس-جوبا قولداۋ تاپقان. جوبالاردىڭ باسىم بولىگى ساۋدا, وڭدەۋ ونەركاسىبى, كولىك جانە قويمالاۋ سالالارىنا تيەسىلى.
– 2020-2021 جىلدارى كولىك ينفراقۇرىلىمىنا 112,5 ملرد تەڭگە جۇمسالدى. بۇل 1 مىڭ شاقىرىمنان استام اۆتوجولدى جانە ەلدى مەكەندەردىڭ 451 كوشەسىن جوندەۋگە مۇمكىندىك بەردى. «قوستاناي قالاسىنا كىرەبەرىس» اۆتوجولىنداعى كوپىر قۇرىلىسى اياقتالىپ كەلەدى. جىل قورىتىندىسى بويىنشا «جاقسى» جانە «قاناعاتتانارلىق» جاعدايداعى وبلىستىق, اۋداندىق ماڭىزى بار اۆتوموبيل جولدارىنىڭ ۇلەسى 78 پايىزدى قۇراماق, – دەدى اكىم.
ا.مۇحامبەتوۆتىڭ دەرەگىنشە, وڭىردە جىل باسىنان بەرى 387,2 مىڭ شارشى مەتر تۇرعىن ءۇي پايدالانۋعا بەرىلگەن. ءوسىم – 25,5 پايىز. اتالعان كورسەتكىش بويىنشا وبلىس رەسپۋبليكادا ەكىنشى ورىندا. بۇل رەتتە تۇرعىن ءۇي قۇرىلىسىنا سالىنعان ينۆەستيتسيا 38,2 پايىزعا وسكەن. «اۋەجاي» جانە «يۋبيلەينىي» شاعىن اۋداندارىنىڭ قۇرىلىسى اياقتالۋعا جاقىن. سول سەكىلدى «قوناي» جانە «بەرەكە» شاعىن اۋداندارىن يگەرۋ جالعاسىپ جاتىر.
اكىمنىڭ ايتۋىنشا, بيىل 18 كوپقاباتتى كرەديتتىك تۇرعىن ءۇيدىڭ قۇرىلىسى اياقتالماق جانە كەلەر جىلى بەرىلەتىن وتپەلى 30 جوبا بار. بۇدان بولەك, وسى جىلى قاناتقاقتى جوبا شەڭبەرىندە رۋدنىي قالاسىندا كرەديتتىك تۇرعىن ءۇي قۇرىلىسى باستالدى. توبىل قالاسىنىڭ «استانا» جانە قوستاناي اۋدانى ميچۋرينسكوە اۋىلىنىڭ «بايتەرەك» جاڭا شاعىن اۋداندارىنا ينجەنەرلىك كوممۋنيكاتسيالاردى تارتۋ جۇمىستارى جۇزەگە اسىرىلۋدا. جالپى تاۋەلسىزدىكتىڭ 30 جىلىندا وبلىستا 6,2 ملن شارشى مەتر تۇرعىن ءۇي نەمەسە 60 مىڭنان استام پاتەر پايدالانۋعا بەرىلگەن.
– بۇگىندە اۋىل حالقىنىڭ 72,6 پايىزى جانە قالا حالقىنىڭ 98,1 پايىزى سۋمەن جابدىقتاۋ قىزمەتتەرىمەن قامتىلعان. بيىل اۋىلدىق جانە قالالىق دەڭگەيدە سۋمەن جابدىقتاۋ جانە سۋ بۇرۋ بويىنشا 47 جوبا ىسكە اسىرىلۋدا. جىل سوڭىنا دەيىن ورتالىقتاندىرىلعان سۋمەن جابدىقتاۋ جۇيەسىنە 8 اۋىل, سۋدى تازارتۋ جانە تاراتۋ پۋنكتتەرىنە 11 اۋىل قوسىلادى. بيىل 104 اۋىلدا تاسىمالداناتىن سۋدى تاراتۋ پۋنكتتەرى ورناتىلعانىن اتاپ وتكەن ءجون. ناتيجەسىندە, اۋىل حالقىنىڭ سۋمەن جابدىقتاۋ قىزمەتتەرىنە قولجەتىمدىلىگى 75 پايىزعا دەيىن ۇلعايادى, – دەدى اكىم.
ءوڭىردى گازبەن جابدىقتاۋ جۇمىستارى جالعاسۋدا. وسى جىلى قامىستى اۋدانىنىڭ قامىستى – التىنسارين جانە اۋليەكول – قۇسمۇرىن جوعارى قىسىمدى گاز جەتكىزۋ قۇبىرلارىنىڭ قۇرىلىسى جۇرگىزىلىپ جاتىر. العاش رەت قوستاناي اۋدانىنىڭ شەمينوۆسكوە جانە وزەرنوە, فەدوروۆ اۋدانىنىڭ كوپىچەنكا, قامىستى اۋدانىنىڭ التىنسارين اۋىلدارىن گازداندىرۋ جۇزەگە اسىرىلاتىن بولادى. سونداي-اق جىتىقارا قالاسىنىڭ «5ا» شاعىن اۋدانىندا گاز تاراتۋ جەلىلەرى سالىنادى. قوستاناي اۋدانىنىڭ «بايتەرەك» جانە «استانا» شاعىن اۋداندارىنا ينجەنەرلىك كوممۋنيكاتسيالاردىڭ قۇرىلىسى باستالدى.
– مەديتسينا سالاسى كولەمدى قارجىلاندىرۋدى قاجەت ەتەدى. وسى جىلى قارجىلاندىرۋ 17,2 پايىزعا ءوسىپ, 86,4 ملرد تەڭگەنى قۇرادى. سونىڭ ەسەبىنەن 13 دەنساۋلىق ساقتاۋ نىسانى جوندەلدى, 22 نىسانداعى جوندەۋ جۇمىستارى اياقتالۋعا جاقىن. سوڭعى جىلدارى مەديتسينالىق ۇيىمداردىڭ ماتەريالدىق-تەحنيكالىق بازاسى ايتارلىقتاي جاقساردى. سوڭعى 2 جىلدىڭ ىشىندە 111 سانيتارلىق اۆتوكولىك, قوستاناي قالاسىنداعى ەمحانالاردىڭ 4 ءموبيلدى بريگاداسىنا ارنالعان 4 جەڭىل اۆتوموبيل, جەدەل جاردەم قىزمەتى ءۇشىن وتاندىق 50 رەانيموبيل ساتىپ الىندى. قوستاناي قالاسىنىڭ تۇرعىندارىنا جەدەل ءارى زاماناۋي مەديتسينالىق كومەك كورسەتىلۋىن جاقسارتۋ ءۇشىن مەملەكەت-جەكەمەنشىك ارىپتەستىك اياسىندا 300 مىڭ تۇرعىنعا ارنالعان كوپبەيىندى اۋرۋحانا سالۋ جوسپارلانۋدا, – دەدى وبلىس باسشىسى.
اكىمنىڭ ايتۋىنشا, بيىل 28 مىڭ ادام جۇمىسپەن قامتۋ شارالارىمەن قامتىلعان. قىسقا مەرزىمدى كاسىپتىك وقۋعا 499 ادام جىبەرىلگەن. 18 664 ادام تۇراقتى جۇمىسقا تۇرعان. جىل باسىنان بەرى 19,4 مىڭ جۇمىس ورنى اشىلىپتى.
