«ول شارشى الاڭدا مەرت بولۋى مۇمكىن ەدى. بوكسشىنىڭ قالاي دەم العانىن سوزبەن ايتىپ جەتكىزە المايمىن. ونداي جاعدايدا شارشى الاڭدا بوكستاسۋ وتە قيىن ەكەنى ايتپاسا دا تۇسىنىكتى شىعار», دەيدى دارىگەر ليندا دال.
ءتىپتى تەونىڭ شارشى الاڭعا شىقپاي تۇرىپ ەركىن تىنىستاۋى قيىنعا سوققان كورىنەدى. سالماق ولشەۋ ءراسىمى جاقىنداعاندا ونىڭ دەرتى ءتىپتى اسقىنعان ەكەن.
«مەن بۇل بار بولعانى دەمىكپە دەرتتەن شىعار دەپ ويلادىم. بۇرىن اۋىرعانىما قاراماستان رينگكە شىعىپ جۇرگەنمىن. بۇل جاعدايدى قۇپيا ۇستادىم. كومانداداعىلار بىلسە مەنى رينگكە شىعارماس ەدى. مەن ەلدىڭ «مىنە, سىلتاۋ تاۋىپ جەكپە-جەك ۋاقىتىن ۇزارتىپ وتىر» دەگەن ءسوزىن ەستىگىم كەلمەدى. سوندىقتان دا رينگكە كوتەرىلىپ, جاعدايدى ۋشىقتىردىم», دەيدى بوكسشىنىڭ ءوزى.
