ۇكىمەت • 04 جەلتوقسان، 2021

اسقار مامين شەتەلدىك ينۆەستورلارمەن كەزدەسۋ وتكىزدى

118 رەت كورسەتىلدى

قر پرەمەر-ءمينيسترى اسقار مامين «استانا» حالىقارالىق قارجى ورتالىعىنىڭ الاڭىندا ءىرى شەتەلدىك ينۆەستورلار – «Blackrock»، «Capital Group»، «Aberdeen Asset Management»، «Sands Capital»، «Luxor Capital» جانە «Lugard Road Capital» وكىلدەرىمەن كەزدەستى، دەپ حابارلايدى Egemen.kz قر پرەمەر-ءمينيسترىنىڭ ءباسپاسوز قىزمەتىنە سىلتەمە جاساپ. 

كەزدەسۋدە قازاقستاننىڭ ينۆەستيتسيالىق مۇمكىندىكتەرى جانە ەل مەن ايماقتا شەتەل كاپيتالىن كەڭەيتۋ پەرسپەكتيۆالارى تالقىلاندى. «استانا» حالىقارالىق قارجى ورتالىعىنىڭ وڭىرگە قاجەتتى بىرەگەي ينفراقۇرىلىمىنا ەرەكشە نازار اۋدارىلدى.

ۇكىمەت باسشىسى ەكونوميكانىڭ سەنىمدى قالپىنا كەلۋ سەرپىنى اياسىندا قازاقستاننىڭ ينۆەستيتسيالىق تارتىمدىلىعىنىڭ ارتىپ كەلە جاتقانىن اتاپ ءوتتى.

بيىلعى ون ايدىڭ قورىتىندىسى بويىنشا ءجىو ءوسىمى 3،5%-عا دەيىن جەدەلدەدى. قالپىنا كەلۋدىڭ نەعۇرلىم جوعارى قارقىنىنا قۇرىلىستا (+7،6%)، وڭدەۋ ونەركاسىبىندە (+5،3%) جانە قىزمەت كورسەتۋ سالاسىندا (+3،4%) قول جەتكىزىلدى.

ەكونوميكانىڭ بەلسەندى قالپىنا كەلۋى اياسىندا تىكەلەي شەتەلدىك ينۆەستيتسيالار اعىنىنىڭ ءوسۋى بايقالادى. ماسەلەن، 2021 جىلدىڭ ءى جارتىجىلدىعىنىڭ قورىتىندىسى بويىنشا قر ەكونوميكاسىنا سالىنعان تشي كولەمى 30،4%-عا ۇلعايدى جانە $11،1 ملرد قۇرادى. بيىلعى جىلدىڭ 10 ايىندا قارجى سەكتورىنا سالىنعان ينۆەستيتسيالار كولەمى 12،1%-عا ءوستى.

شەتەلدىك كومپانيالاردىڭ وكىلدەرى شەتەلدىك ينۆەستورلار ءۇشىن جاعىمدى سيگنالداردىڭ ءبىرى 2020 جىلى لوندون قور بيرجاسى (LSE) مەن ءAىX-تەگى Kaspi.kz تابىستى IPO-سى بولعانىن اتاپ ءوتتى. بۇل رەتتە، وزەكتى جاھاندىق ترەندتەردى ەسكەرە وتىرىپ، شەتەلدىك كاپيتالدىڭ ESG-قاعيداتتارىن ەنگىزۋگە جانە دەكاربونيزاتسيالاۋعا باعدارلانعانى ەرەكشە اتاپ ءوتىلدى.

سونداي-اق قر مەملەكەتتىك اكتيۆتەرىن جەكەشەلەندىرۋ باعدارلاماسىن ىسكە اسىرۋ پەرسپەكتيۆالارى قارالدى.

كەزدەسۋگە ەۋروپانىڭ دامۋشى نارىقتارى ءبولىمىنىڭ جەتەكشىسى جانە «Blackrock» كومپانياسىنىڭ اعا پورتفەلدىك مەنەدجەرى كريس كولۋنگا، «Capital Group» كومپانياسىنىڭ اعا پورتفەلدىك مەنەدجەرى ارتۋر كەي، «Aberdeen Asset Management» كومپانياسىنىڭ جەتەكشى پورتفەلدىك مەنەدجەرى ادام مونتانارو، «Sands Capital» كومپانياسىنىڭ پورتفەلدىك مەنەدجەرى تيدجا بويە، «Luxor Capital» كومپانياسىنىڭ پرەزيدەنتى دۋگلاس سنايدەر جانە «Lugard Road Capital» كومپانياسىنىڭ باسقارۋشى سەرىكتەسى دۋگلاس فريدمان قاتىستى.

قازاقستان تاراپىنان كەلىسسوزدەرگە ستراتەگيالىق جوسپارلاۋ جانە رەفورمالار اگەنتتىگىنىڭ توراعاسى – احقو باسقارۋشىسى قايرات كەلىمبەتوۆ، ەنەرگەتيكا ءمينيسترى ماعزۇم مىرزاعاليەۆ، تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين، «سامۇرىق-قازىنا» اق باسقارما توراعاسى الماسادام ساتقاليەۆ جانە ت. ب. قاتىستى.

سوڭعى جاڭالىقتار

تمد ءسامميتى قازان ايىندا وتەدى

پرەزيدەنت • بۇگىن، 19:56

ۇقساس جاڭالىقتار