الەم • 03 جەلتوقسان، 2021

تاشكەنتتە ورتا ازيا ەلدەرىنىڭ كاسىپكەر ايەلدەرى باس قوستى

84 رەت كورسەتىلدى

بۇگىن تاشكەنت قالاسىندا ورتالىق ازيا ەلدەرىنىڭ كاسىپكەر ايەلدەرى پىكىرسايىس كلۋبىنىڭ يناۋگۋراتسيالىق وتىرىسى ءوتتى، دەپ حابارلايدى Egemen.kz.

اتالعان ءىس-شارا ايەلدەردىڭ ەكونوميكالىق ءوسۋىن جانە مەملەكەتتەردىڭ ءال-اۋقاتىنا قوساتىن ۇلەسىن ارتتىرۋعا ارنالعان.

كلۋب وتىرىسىنا قازاقستان، قىرعىزستان، تاجىكستان، تۇركىمەنستان جانە وزبەكستاننىڭ كوشباسشى ايەلدەرى، ساياساتكەرلەرى، قارجى ينستيتۋتتارىنىڭ وكىلدەرى قاتىستى. قازاقستان دەلەگاتسياسىنىڭ اتىنان ونلاين فورماتتا قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى ءلاززات رامازانوۆا ءسوز سويلەدى.

ۇلتتىق كوميسسيا باسشىسى ەلىمىزدە كاسىپكەرلىكتى قولداۋ ءۇشىن مەملەكەتتىك باعدارلامالاردىڭ ماڭىزدىلىعىن اتاپ ءوتتى، سونداي-اق شاعىن جانە ورتا بيزنەستەگى ايەلدەردىڭ پوزيتسيالارىن ودان ءارى نىعايتۋعا ىقپال ەتەتىن ترەندتەردى بەلگىلەدى.

«پاندەميا بيزنەستى جاڭا «ويىن ەرەجەلەرىن» قابىلداۋعا ءماجبۇر ەتتى. نەگىزگى ترەندتەردىڭ ءبىرى قاشىقتان جۇمىس فورماتى بولدى. تاجىريبە كورسەتكەندەي، كوشباسشىلار اراسىنا تەز ارادا جاڭا فورماتتا بەيىمدەلىپ جانە تۇرعىلىقتى جەرىنە قاراماستان بىلىكتى مامانداردى جۇمىسقا تارتا الاتىن كومپانيالار شىقتى. تاعى ءبىر ماڭىزدى ترەند – دەربەستەندىرۋ. جوعارى باسەكەلەستىك الەۋەتتى كليەنتتەرگە جەكە كوزقاراستى تالاپ ەتەدى، ءوز كەزەگىندە بۇل تالداۋشىلارعا جانە ارنايى باعدارلامالىق قامتاماسىز ەتۋگە سۇرانىستىڭ ارتۋىنا الىپ كەلەدى»، دەپ ءلاززات رامازانوۆا اتاپ ءوتتى.

ۇلتتىق كوميسسيا توراعاسى ايەلدەر بيزنەسى ءۇشىن ەلەكتروندىق ساۋدا الاڭدارىنىڭ دامۋى ماڭىزدى باعىت دەپ اتاپ ءوتتى.

«پاندەميانىڭ جارتى جىلىندا ونلاين-ساۋدا نارىعى الدىڭعى التى جىلعا قاراعاندا ارتتى جانە ءوسۋىن جالعاستىرۋدا. وتە قىسقا مەرزىم ىشىندە ادامدار ينتەرنەت ارقىلى ساۋدا جاساۋعا داعدىلاندى، جانە دە بيزنەستىڭ ءوزى مۇنىڭ قانشالىقتى ءتيىمدى ەكەنىن ءتۇسىندى»، دەپ ءلاززات رامازانوۆا اتاپ ءوتتى.

سونداي-اق ونىڭ ايتۋىنشا، الداعى جىلدارى الەۋمەتتىك كاسىپكەرلىكتىڭ بىرتىندەپ دامۋىنا بايلانىستى ەكو-باعىت بەلسەندى دامي باستايدى.

«قازاقستاندا كومپانيالاردىڭ جاڭا HR-برەندى مەن ءيميدجىن قالىپتاستىرۋعا ارنالعان ارنايى تسيفرلىق ەكو-پلاتفورمالار پايدا بولدى. تاياۋداعى بەس جىلدا ءبىز social-impact-ستارتاپتاردىڭ بەلسەندى دامۋىن كورە الامىز دەپ سانايمىن. مۇنىڭ ءبارى - ايەلدەرگە ءوز ىسكەرلىك جولىن نىق يەلەنۋگە جانە نارىقتا باسەكەگە قابىلەتتى بولۋعا مۇمكىندىك بەرەتىن باعىتتاردىڭ ءبىر بولىگى عانا»، دەپ ءلاززات رامازانوۆا اتاپ ءوتتى.

ۇيىمداستىرۋشىلاردىڭ ايتۋىنشا، پىكىرتالاس كلۋبىن قۇرۋ ايەلدەر كاسىپكەرلىگى سالاسىندا تۇراقتى پىكىر الماسۋعا جانە ۇزدىك تاجىريبەمەن الماسۋعا، بيزنەستى دامىتۋدىڭ وزەكتى ماسەلەلەرىن تالقىلاۋعا، وڭىرلىك ساۋداعا، ينۆەستيتسيا تارتۋعا جانە ورتالىق ازيا ەلدەرىنىڭ كاسىپكەر ايەلدەرى اراسىندا ىسكەرلىك بايلانىستار ورناتۋعا ىقپال ەتەدى. سونداي-اق، كلۋب يننوۆاتسيالىق بيزنەس-مودەلدەرگە ءوزارا وقىتۋعا، ايەلدەر كاسىپكەرلىگىن دامىتۋ ءۇشىن «اقىلدى» جانە پراكتيكالىق شەشىمدەردى قولداۋعا ىقپال ەتەتىن بولادى.

سوڭعى جاڭالىقتار

مۇناي باعاسى ارزاندادى

ەكونوميكا • بۇگىن، 13:23

دوستىق بەسىگى

ايماقتار • بۇگىن، 08:43

ەل كۋبوگى ءۇشىن تالاسادى

فۋتبول • بۇگىن، 08:40

شيرەك فينالدا ۇتىلدى

تەننيس • بۇگىن، 08:39

دايارلىقتارىن پىسىقتادى

حوككەي • بۇگىن، 08:37

ۇقساس جاڭالىقتار