قوعام • 03 جەلتوقسان، 2021

اسەت يسەكەشەۆ پاكىستان پرەمەر-ءمينيسترىنىڭ ۇلتتىق قاۋىپسىزدىك جونىندەگى كەڭەسشىسىمەن كەزدەستى

48 رەت كورسەتىلدى

اسەت يسەكەشەۆ پاكىستان پرەمەر-ءمينيسترىنىڭ ۇلتتىق قاۋىپسىزدىك جونىندەگى كەڭەسشىسى مويد يۋسۋفپەن كەزدەستى، دەپ حابارلايدى Egemen.kz.

قازاقستان رەسپۋبليكاسى پرەزيدەنتىنىڭ كومەكشىسى – قاۋىپسىزدىك كەڭەسىنىڭ حاتشىسى اسەت يسەكەشەۆ پاكىستان يسلام رەسپۋبليكاسى پرەمەر-ءمينيسترىنىڭ ۇلتتىق قاۋىپسىزدىك جونىندەگى كەڭەسشىسى مويد يۋسۋفپەن كەزدەستى.

ءىس-شاراعا قازاقستان رەسپۋبليكاسى پرەزيدەنتىنىڭ حالىقارالىق ىنتىماقتاستىق جونىندەگى ارنايى وكىلى ەرجان قازىحانوۆ قاتىستى. تاراپتار وڭىرلىك جانە جاھاندىق قاۋىپسىزدىكتىڭ وزەكتى ماسەلەلەرى، ورتالىق جانە وڭتۇستىك ازياداعى قازىرگى سىن-تاۋەكەلدەر جونىندە، سونداي-اق حالىقارالىق ۇيىمدار اياسىنداعى ىنتىماقتاستىقتىڭ پەرسپەكتيۆالارى، ونىڭ ىشىندە بىتىمگەرشىلىك تۋرالى پىكىر الماستى.

سونىمەن قاتار كەزدەسۋ بارىسىندا اسكەري-تەحنيكالىق سالاداعى ءوزارا ەكىجاقتى ىقپالداستىق، ەسىرتكى ترافيگىنە، زاڭسىز كوشى-قونعا جانە باسقا دا قاتەرلەرگە قارسى ءىس-قيمىل ماسەلەلەرى قوزعالدى. اۋعانستانداعى جاعدايدىڭ دامۋ ستسەناريلەرى جان-جاقتى تالقىلاندى.

اسەت يسەكەشەۆ پاكىستاندىق ارىپتەسىنە قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ تاپسىرماسى بويىنشا اۋعانستانعا بەس توننا ۇن مولشەرىندە گۋمانيتارلىق كومەك كورسەتىلگەنى جونىندە مالىمەت بەردى. پاكىستان دەلەگاتسياسىنىڭ ساپارى بارىسىندا مويد يۋسۋفقا تسيفرلىق ۇكىمەت ءوفيسىنىڭ بازاسىندا ەلەكتروندىق ۇكىمەت، تەلەكوممۋنيكاتسيا، ءبىلىم بەرۋ تەحنولوگيالارى جانە باسقا دا سەكتورلارداعى تسيفرلاندىرۋ باعىتتارى تانىستىرىلدى. كەزدەسۋ سوڭىندا تاراپتار قاۋىپسىزدىكتى قامتاماسىز ەتۋ سالاسىنداعى كەڭ اۋقىمدى ماسەلەلەر بويىنشا ىنتىماقتاستىقتى نىعايتۋعا نيەت ءبىلدىردى.

سوڭعى جاڭالىقتار

مۇناي باعاسى كوتەرىلە مە؟

ەكونوميكا • بۇگىن، 23:15

بيلىك جانە ۇلت مەنتاليتەتى

قازاقستان • بۇگىن، 22:54

استاناداعى العاشقى مەشىت

رۋحانيات • بۇگىن، 22:42

الاشوردا وفيتسەرى

قازاقستان • بۇگىن، 22:32

471 مىڭ دوللارعا ساتىلدى

ادەبيەت • بۇگىن، 22:19

شابىت پەن شاراپ

ادەبيەت • بۇگىن، 22:13

ديلەتانتتان داۋىرگە دەيىن

ادەبيەت • بۇگىن، 21:57

ەرتەڭ اۋا رايى قانداي بولادى؟

قازاقستان • بۇگىن، 16:20

ۇقساس جاڭالىقتار