مەديتسينا • 03 جەلتوقسان، 2021

«اڭساعان ءسابي» باعدارلاماسى: العاشقى ءسابي دۇنيەگە كەلدى

95 رەت كورسەتىلدى

ەلوردادا «اڭساعان ءسابي» باعدارلاماسى بويىنشا تۇڭعىش ءسابي دۇنيەگە كەلدى، دەپ حابارلايدى Egemen.kz.

پرەزيدەنتتىڭ قازاقستان حالقىنا جولداۋىن ىسكە اسىرۋ اياسىندا بەكىتىلگەن «اڭساعان ءسابي» باعدارلاماسى بويىنشا 2021 جىلى نۇر-سۇلتان قالاسىنا 487 كۆوتا ءبولىندى. بۇل وتكەن جىلمەن سالىستىرعاندا 7 ەسە كوپ. وسىنىڭ ارقاسىندا ۇزاق ۋاقىت نەكەدە تۇرىپ، بالا اڭساپ جۇرگەن كوپتەگەن ەلوردالىق ءمامس اياسىندا ەكۇ باعدارلاماسىنان ءوتۋ مۇمكىندىگىنە يە بولدى.

«اڭساعان ءسابي» باعدارلاماسى تۋرالى ەستىگەندە كۇيەۋىم ەكەۋمىز باعىمىزدى سىناپ، قاتىسۋ تۋرالى شەشىم قابىلدادىق. الدىمەن ءوز ەمحانامىزعا بارىپ، قاجەتتى قۇجاتتاردى تاپسىردىق. بالا – ءومىردىڭ ءمانى. وكىنىشكە قاراي، ۇزاق ۋاقىتتان بەرى بالا سۇيە الماي جۇردىك»، دەيدى باقىتتى انا.

 پاتسيەنت ەمحانادان №2 كوپبەيىندى قالالىق اۋرۋحانانىڭ ايەلدەر دەنساۋلىعى بولىمشەسىنە جىبەرىلەدى. تەكسەرۋدەن كەيىن، جۇرگىزىلگەن كونسەرۆاتيۆتىك تەراپيانىڭ اسەرىنىڭ جوقتىعىن ەسكەرە وتىرىپ، ەرلى-زايىپتىلار دارىگەرلىك كونسيليۋمنىڭ شەشىمى بويىنشا ءمامس اياسىندا ەكۇ ءراسىمىن جۇرگىزۋ ءۇشىن كەزەككە قوسىلدى.

«جەلتوقسان ايىندا، دەنساۋلىق ساقتاۋ باسقارماسى جۇمىس كوميسسياسىنىڭ ماقۇلداۋىن الىپ، №272 بۇيرىقتىڭ كريتەريلەرىنە سايكەستىگىن ەسكەرىپ، ءمامس شەڭبەرىندە ەكۇ ءوتۋ ءۇشىن كۆوتا الدى. پاتسيەنت ەكۇ جاساۋ ءۇشىن الماتى قالاسىنداعى رەپرودۋكتيۆتى مەديتسينا ينستيتۋتىن تاڭداپ، 12 اپتاعا دەيىن دەر كەزىندە ەسەپكە تۇردى، ارى قاراي اۋرۋحانامىزداعى دارىگەرلەردىڭ بارلىق ۇسىنىمىن دۇرىس ورىندادى، ۇستاندى»، دەيدى اكۋشەر-گينەكولوگ الۋا مانسۇروۆا.

بارلىق پرەگراۆيدارلىق كەزەڭ جانە ەكۇ ءراسىمى الدىنداعى دايىندىق، جۇكتىلىكتى باقىلاۋ جانە بوسانۋ نۇر-سۇلتان قالاسىنداعى №2 كوپبەيىندى اۋرۋحانادا ءوتتى.

 بۇگىندە ءامىرحان اتتى ءسابيدىڭ اناسى «اڭساعان ءسابي» باعدارلاماسى اتا-انا باقىتىن سىيلاعانىن ايرىقشا اتاپ ءوتتى.

«بۇل باعدارلاما ءبىز سەكىلدى بالالى بولعىسى كەلەتىن ەرلى-زايىپتىلار ءۇشىن ۇلكەن مۇمكىندىك. بۇرىن ءبىز اقىلى نەگىزدە ەكۇ جاسادىق، بىراق ءبارى ءساتسىز اياقتالعان. بۇل جولى دا ءۇمىتىمىز ورىندالمايدى دەپ قاتتى الاڭداپ ەدىك، باقىتىمىزعا قاراي اتا-انا اتانىپ وتىرمىز. جۇكتىلىككە دەيىن جانە جۇكتىلىك كەزىندە باسى-قاسىمىزدا بولعان دارىگەرلەرگە العىسىم شەكسىز. اۋرۋحانانىڭ بارلىق مەديتسينا قىزمەتكەرلەرىنە راقمەت ايتقىم كەلەدى. ءبىز باقىتتىمىز!» دەپ قۋانىشىمەن ءبولىستى جاس انا.

سوڭعى جاڭالىقتار

مۇناي باعاسى كوتەرىلە مە؟

ەكونوميكا • كەشە

الاشوردا وفيتسەرى

قازاقستان • كەشە

471 مىڭ دوللارعا ساتىلدى

ادەبيەت • كەشە

شابىت پەن شاراپ

ادەبيەت • كەشە

ۇقساس جاڭالىقتار