پارلامەنت • 03 جەلتوقسان، 2021

سەناتتا اۋىل شارۋاشىلىعىنىڭ اۋقىمدى ماسەلەلەرى تالقىلاندى

49 رەت كورسەتىلدى

سەناتتا «اۋىل شارۋاشىلىعىن دامىتۋدىڭ وزەكتى ماسەلەلەرى مەن پەرسپەكتيۆالارى» تاقىرىبى بويىنشا پارلامەنتتىك تىڭداۋ بولدى. سالالىق كوميتەتتىڭ دەپۋتاتتارى تىڭداۋعا دايىندىق بارىسىندا بىرقاتار شارالار وتكىزىپ، پروبلەمالىق ماسەلەلەر تالقىلاندى، دەپ حابارلايدى Egemen.kz.

سەنات توراعاسى ماۋلەن اشىمباەۆ تىڭداۋدى اشا كەلىپ، ەلىمىزدە اۋىل شارۋاشىلىعى سالاسىن دامىتۋعا ۇدايى نازار اۋدارىلىپ وتىراتىنىن اتاپ ءوتتى. الايدا سەنات توراعاسى بۇگىنگى كۇنى ءالى دە شەشىلۋى قاجەت پروبلەمالار بار ەكەنىنە توقتالدى. ولاردىڭ قاتارىندا جايىلىم تاپشىلىعى ماسەلەسىن شەشۋ، جەكە قوسالقى شارۋاشىلىقتار مەن اۋىل شارۋاشىلىعى كووپەراتسياسىن دامىتۋ، ۆەتەريناريا جانە اگروبيوتەحنولوگيا سالالارىن جاقسارتۋ، ازىق-ت ۇلىك تاۋارلارىنىڭ باعاسىن رەتتەۋ جانە ت.ب. بار.

«جالپى اۋىل شارۋاشىلىعى ەلىمىز ءۇشىن ستراتەگيالىق سالالاردىڭ ءبىرى. سوندىقتان مەملەكەت باسشىسى وسى باعىتقا ۇنەمى باسا ءمان بەرىپ كەلەدى. اۋىل شارۋاشىلىعىن دامىتۋدىڭ ەكونوميكالىق جانە الەۋمەتتىك ماڭىزى زور. بۇگىندە ءبىزدىڭ ازاماتتارىمىزدىڭ 40 پايىزدان استامى اۋىلدىق جەرلەردە تۇرادى. ولاردىڭ تابىسى مەن ءومىر ءسۇرۋ ساپاسى اگرارلىق سالانىڭ دامۋىنا تىكەلەي بايلانىستى. سوندىقتان جۇمىستىڭ وسى باعىتى سەناتتا باسىمدىققا يە»، دەپ اتاپ ءوتتى ماۋلەن اشىمباەۆ.

سەنات دەپۋتاتى مۇحتار جۇماعازيەۆ ءوز كەزەگىندە ۆەتەرينارلىق قاۋىپسىزدىك سالاسىندا ورىن الىپ وتىرعان پروبلەمالارمەن جۇمىس ىستەۋ قاجەتتىگىن اتاپ ءوتتى. سەناتور دەرەكتەردى تسيفرلاندىرۋ، جيناۋ جانە اۆتوماتتاندىرۋ پروتسەستەرىن دامىتۋ، سونداي-اق جوعارى بىلىكتى مامانداردى وقىتۋ ستراتەگياسىن ازىرلەۋ ماڭىزدى دەپ سانايدى.

«سەنات دەپۋتاتتارى اگروونەركاسىپ كەشەنءىن دامىتۋ جانە ازىق-ت ۇلىك قاۋىپسىزدىگىن قامتاماسىز ەتۋ ماقساتىندا ساپا تۋرالى زاڭ قابىلداۋ جانە قولدانىستاعى زاڭنامانى ودان ءارى جەتىلدىرۋ ماقساتىندا قارقىندى جۇمىس ىستەپ كەلەدى. ۆەتەريناريا سالاسىن ساۋىقتىرۋ جونىندە زاڭ، سونداي-اق اگروبيزنەستىڭ ىسكەرلىك بەلسەندىلىگىن ارتتىرۋعا جانە قولايلى ينۆەستيتسيالىق احۋال جاساۋعا مۇمكىندىك بەرەتىن باسقا دا قۇجاتتار قابىلداندى. سونىمەن قاتار بيىل شەتەلدىكتەر مەن ازاماتتىعى جوق ادامدارعا اۋىلشارۋاشىلىعى جەرلەرىن ساتۋعا جانە جالعا بەرۋگە تولىقتاي تىيىم سالىندى»، دەدى سەناتور.

اۋىل شارۋاشىلىعى سالاسىنداعى اعىمداعى جاعداي تۋرالى مينيستر ەربول قاراشوكەەۆ ايتىپ بەردى. ول مەملەكەت باسشىسىنىڭ تاپسىرماسى بويىنشا اگروونەركاسىپ كەشەنىن دامىتۋ جونىندەگى ۇلتتىق جوبا بەكىتىلىپ، جۇزەگە اسا باستاعانىن اتاپ ءوتتى، ول اۋىل شارۋاشىلىعىنداعى ەڭبەك ونىمدىلىگىن 2،5 ەسەگە ارتتىرۋعا، قازاقستاندىقتاردى وتاندىق ءوندىرىستىڭ نەگىزگى ازىق-ت ۇلىگىمەن قامتاماسىز ەتۋگە، سونداي-اق اگروبيزنەس ونىمدەرىنىڭ ەكسپورتىن ەكى ەسەگە ارتتىرۋعا مۇمكىندىك بەرەدى.

تىڭداۋ بارىسىندا «بايتەرەك» حولدينگىنىڭ باسقارۋشى ديرەكتورى مۇرات دارىباەۆ اوك-ءتى دامىتۋدىڭ مامانداندىرىلعان ينستيتۋتتارى تۋرالى، ۇلتتىق بيوتەحنولوگيا ورتالىعىنىڭ باس ديرەكتورى ەرلان رامانقۇلوۆ اۋىل شارۋاشىلىعى سالاسىنداعى زاماناۋي بيوتەحنولوگيالىق تاسىلدەر جانە باسقا دا ماسەلەلەر تۋرالى بايانداما جاسادى.

سەناتتىڭ سالالىق كوميتەتىنىڭ توراعاسى ءالي بەكتاەۆ پارلامەنتتىك تىڭداۋدىڭ جۇمىسىن قورىتىندىلاي كەلءىپ، ايتىلعان بارلىق ۇسىنىستار ۇكىمەت پەن مۇددەلى مەكەمەلەرگە ۇسىنىمدار تۇرىندە جولداناتىنىن اتاپ ءوتتى.

سوڭعى جاڭالىقتار

دوللار ارزاندادى

ەكونوميكا • بۇگىن، 16:42

ۇقساس جاڭالىقتار