كاسىپقوي بوكس • 03 جەلتوقسان، 2021

بوب ارۋم: 2022 جىلى فيۋري ءۇش جەكپە-جەك وتكىزەدى

51 رەت كورسەتىلدى

بەلگىلى پروموۋتەر بوب ارۋم WBC تۇجىرىمى بويىنشا اسا اۋىر سالماقتاعى الەم چەمپيونى تايسون ءفيۋريدىڭ كاسىبي مانسابىنا قاتىستى پىكىر ءبىلدىردى، دەپ حابارلايدى Egemen.kz.

«تايسون فيۋري الداعى ۋاقىتتا بەلسەندى بولۋى كەرەك. سول سەبەپتى ءبىز 2022 جىلى ءۇش جەكپە-جەك ۇيىمداستىرۋدى جوسپارلاپ وتىرمىز. مەنىڭ ويىمشا تايسون ءبىرىنشى كەزەكتە ديلليان ۋايتپەن قولعاپ تۇيىستىرەدى. سولاي بولۋى ءتيىس. ءبىز بۇكىلالەمدىك بوكس كەڭەسى وسى شايقاسقا قاتىستى شەشىم شىعارعانىن كۇتىپ وتىرمىز. ودان كەيىنگى جەكپە-جەكتەردى اسا اۋىر سالماقتاعى جاعدايدىڭ وزگەرۋىنە بايلانىستى جوسپارعا ەنگىزەتىن بولامىز»، دەيدى پروموۋتەر.

ەستەرىڭىزگە سالا كەتەيىك، بۇعان دەيىن ۇلىبريتانيالىق ەنتوني دجوشۋانىڭ كومانداسى مىندەتتى قارىمتا كەزدەسۋدەن ۋاقىتشا باس تارتا تۇرسا، ۋكراينالىق الەكساندر ۋسيكتىڭ تايسون فيۋريگە قارسى رينگكە شىعۋعا ءازىر ەكەندىگى حابارلانعان بولاتىن.

سوڭعى جاڭالىقتار

نگاننۋ ءجۋرناليستىڭ اۋزىن جاپتى

جەكپە-جەك • بۇگىن، 18:00

ۇقساس جاڭالىقتار