قازاقستان • 03 جەلتوقسان، 2021

قازاقستاندا جاڭا تۇرعىن ءۇي باعاسى 14،6%-عا ءوستى

147 رەت كورسەتىلدى

قازاقستاندا قۇرىلىس ماتەريالدارىنىڭ باعاسى ءبىر جىل ىشىندە  28%-عا ءوستى، دەپ حابارلايدى Egemen.kz.

Energyprom.kz زەرتتەۋشىلەرى 2021 جىلى جىلجىمايتىن م ۇلىك نارىعى ايتارلىقتاي تۋربۋلەنتتىلىكتى سەزىنەتىنىن اتاپ ءوتتى. بۇعان قۇرىلىستىڭ وزىندىك قۇنىنىڭ قىمباتتاۋى مەن تۇرعىن ءۇي باعاسىنىڭ ءوسۋى دە ەداۋىر اسەر ەتەدى.

ماسەلەن، قازان ايىنىڭ قورىتىندىسى بويىنشا قازاقستاندا جاڭا تۇرعىن ءۇيدى ساتۋ باعاسى 14،6%-عا ءوستى، بۇل سوڭعى جىلدارداعى ەڭ جوعارى كورسەتكىش بولىپ تابىلادى.

قۇرىلىس ماتەريالدارى باعاسىنىڭ شارىقتاۋى قۇرىلىسشىلارعا اۋىر سوققى بەردى، قازان ايىندا سەكتورداعى جىلدىق ءوسىم جىلىنا 28%-دى قۇرادى. باعا ءوسۋىنىڭ ەڭ جوعارى كورسەتكىشى تامىز ايىندا - جىلىنا 33،3%-عا بايقالدى. جالپى، جىلدىق ءوسۋ ديناميكاسى 10،2%-دان 21،4%-عا دەيىن كوتەرىلگەن.

سونىمەن، 2020 جىلى قۇرىلىس ماتەريالدارى باعاسىنىڭ ديناميكاسى تىكەلەي بولدى، ەشقانداي سەكىرۋلەر بايقالمادى، ال 2021 جىلى قۇرىلىس ماتەريالدارى باعاسىنىڭ وسۋىنەن كەيىن جاڭا تۇرعىن ءۇيدىڭ باعاسى بىردەن كوتەرىلە باستادى.

ايتا كەتسەك، وسىعان ۇقساس جاعداي ءىس جۇزىندە بۇكىل الەمدە بايقالادى.

جالپى، الەمدە تۇرعىن ءۇي باعاسىنىڭ ءوسۋ ديناميكاسى پەسسيميستىك انتي-اككوردتاردى كورسەتەدى. ماسەلەن، وسى جىلدىڭ ەكىنشى توقسانىنىڭ سوڭىنا قاراي تۇرعىن ءۇيدىڭ الەمدىك باعاسى 9،2%-عا ءوستى، بۇل - 2006 جىلدان بەرگى ەڭ جوعارى كورسەتكىش.

سوڭعى جاڭالىقتار

مۇناي باعاسى ارزاندادى

ەكونوميكا • بۇگىن، 13:23

ۇقساس جاڭالىقتار