ۇكىمەت • 03 جەلتوقسان، 2021

ەلدە كوكجوتەل، ديفتەريا، سىرەسپەگە قارسى ۆاكتسينالاۋ جۇرگىزىلمەگەن

102 رەت كورسەتىلدى

قر پرەمەر-ءمينيسترىنىڭ ورىنباسارى ەرالى توعجانوۆتىڭ توراعالىعىمەن قر اۋماعىندا كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ وتىرىسى ءوتتى، دەپ حابارلايدى Egemen.kz.

كۇن تارتىبىندەگى نەگىزگى ماسەلەلەر COVID-19-عا قارسى كۇرەسۋ، «وميكرون» جاڭا شتاممى تارالعان ەلدەردە بولعان قازاقستاندىقتاردىڭ ورالۋى جانە ودان كەيىنگى كارانتيندە بولۋى ماسەلەلەرى بويىنشا شەشىمدەر قابىلداۋعا قاتىستى.

ەرالى توعجانوۆ ەلدەگى ەپيدەميولوگيالىق جاعداي تۇراقتى ەكەنىن ايتتى، حالىقتى كوروناۆيرۋس ينفەكتسياسىنا جانە باسقا دا جۇقپالى اۋرۋلارعا قارسى ۆاكتسينالاۋ جۇمىستارىن جالعاستىرۋ قاجەت ەكەنىن اتاپ ءوتتى.

ۆەدومستۆوارالىق كوميسسيا جوسپارلى يممۋنداۋمەن قامتۋ وڭتايلى كورسەتكىش 95%-دان كەم ەمەس بولعان جاعدايدا 10 اي ىشىندە 79%-دى قۇرايتىنىن اتاپ ءوتتى. رەسپۋبليكانىڭ بارلىق وڭىرىندە پنەۆموكوكك ينفەكتسياسى، كوكجوتەل، ديفتەريا، سىرەسپەگە (اكدس) قارسى ۆاكتسينالاۋمەن قامتۋعا قول جەتكىزىلمەگەن.

رەسپۋبليكالىق ماننەن تومەن كورسەتكىشتەر اتىراۋ (62،3%)، پاۆلودار (64،7%)، اقتوبە (66،1%)، ماڭعىستاۋ (66،4%)، باتىس قازاقستان وبلىستارىندا (67،4%) جانە الماتى قالاسىندا (63،4%) بايقالادى. يممۋنداۋ قارقىنى قازان ايىنان باستاپ تۇراقتى تومەندەپ كەلە جاتقان وڭىرلەردىڭ، قاراعاندى، الماتى، اتىراۋ، اقتوبە وبلىستارىنىڭ باسشىلارىنا سەنىپ تاپسىرىلعان اۋماقتاردىڭ حالقىن ۆاكتسينالاۋمەن قامتۋدى ەرەكشە باقىلاۋعا الۋ تاپسىرماسى بەرىلدى.

سوڭعى جاڭالىقتار

پرەزيدەنت الماتى اكىمىن قابىلدادى

پرەزيدەنت • بۇگىن، 14:07

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

ۇقساس جاڭالىقتار