كوروناۆيرۋس • 03 جەلتوقسان، 2021

ەلدى امان الىپ قالاتىن ەكپە عانا

78 رەت كورسەتىلدى

ءسال سەيىلگەندەي بولعانىمەن، دۇركىن-دۇركىن باس كوتەرىپ، دۇمەپ تۇرعان جامان تۇماۋدىڭ جولىن كەسۋ جالعىز-اق ەكپە الۋعا بايلانىستى ەكەنى ءمالىم بولعالى قاشان. الىپقاشتى جاياۋ اڭگىمە دە، الەۋمەتتىك جەلىدە قاپتاپ كەتكەن ەكپە تۋرالى تەرىس پىكىر دە ەلدى الاڭداتپاي قويعان جوق.

ءبىر-بىرىمەن جالعاسا كەلىپ، جارعا سوققانداي ەكپىنمەن ەل ءىشىن وپىر-توپىر ەتكەن تاجال اۋرۋ­دىڭ ادام تالعامايتىندىعى تاعى راس. العاشقىدا ەرەسەكتەر عانا شەڭگەلىنە ىلىكسە، سوڭعى ۋا­قىت­تا جاسوسپىرىمدەر مەن بالا­لاردىڭ اراسىندا دا جايىلىپ بارادى. ماسەلەن، جاڭا وقۋ جىلى باستالعالى وقۋشىلاردىڭ دەرت­كە شالدىعۋىنىڭ 1 257 وقي­عاسى تىركەلدى. وسىعان وراي اي­ماق­تاعى 52 مەكتەپتىڭ 82 سىنى­بى قاشىقتان وقىتۋعا كو­شى­رىلگەن. سوڭعى تاۋلىكتەردە تاعى دا 8 بالانىڭ ىندەت جۇق­تىر­عانى بەلگىلى بولدى. دە­مەك، كارانتيندىك تالاپتاردى بۇل­جىتپاي ساقتاۋ ءوز الدىنا، اۋزىن ارانداي اشقان جامان تۇماۋدىڭ بەتىن قايتارۋ ءۇشىن مىندەتتى تۇردە ەكپە سالدىرعانى دۇرىس. بالالاردىڭ جايى وسىنداي بولعاندا، ىندەت جوعارى وقۋ ورنىندا دا ءجيى كەزدەسە باستادى. ايتالىق، جاڭا وقۋ جىلىنان بەرى ورتا ارناۋلى ءبىلىم وشاقتارىنىڭ 164 ءبىلىم الۋشىسى، جوعارى وقۋ ورىندارىنىڭ 26 ستۋدەنتى دەرت قارماعىنا ىلىككەن. وسى ارادا وقىرماننىڭ كوزىن ابدەن جەتكىزۋ ءۇشىن تاعى ءبىر دەرەكتى كەلتىرە كەتسەك ارتىقتىعى بولماس. ىندەت قاۋلاپ تۇرعان وتكەن جىلدىڭ سايكەس مەرزىمىمەن سالىستىرعاندا 14 جاسقا دەيىنگى بالالاردىڭ جامان تۇماۋ جۇقتىرۋى 18، ال 15-17 جاس ارالىعىنداعى جاسوس­پىرىمدەر 25 ەسە كوبەيگەن. مىنە، وسى دەنەڭدى تۇرشىكتىرەتىن دەرتتىڭ تارالۋى ويلاندىرماي قويمايدى. مامانداردىڭ ايتۋىنا قاراعاندا، بىردەن بىرگە تاراپ، شاراسىز ادامداردى ابدەن باسىنىپ العان، اياماستان شەڭگەلىن سالىپ جاتقان جامان تۇماۋدى اۋىزدىقتاۋ تەك قانا ەكپە الۋعا بايلانىستى.

وڭىرگە قاراشا ايىنىڭ 18-ىن­دە ەكى كومپونەنتتى Pfizer ۆاك­تسي­ناسىنىڭ 35 مىڭ دوزاسى جەتكىزىلدى. مەكتەپ وقۋشى­لا­رىنىڭ اراسىندا ەكپە الۋعا نيەت بىلدىرۋشىلەر از ەمەس. اتا-انالارىنىڭ جازباشا كەلىسىمى بويىنشا 727 وقۋشى ەكپە الماق. وبلىس ورتالىعىندا جاسوس­پى­رىم­دەردىڭ العاشقى توبى ۆاكتسينا الۋدى باستاپ كەتتى. وبلىسقا جەتكىزىلگەن ۆاكتسينا اۋداندارعا تاراتىلماق. العاشقى كەزەكتە 12 مەن 17 جاس ارالىعىنداعى جاسوسپىرىمدەردى ەكپەمەن قام­تا­ما­سىز ەتۋ كوزدەلۋدە.

وبلىس اۋرۋحانالارى، قو­سىمشا جابدىقتالعان ءمو­بيل­دى بريگادالار قازىر جاۋاپ­تى ىسكە دايىن. ءبىلىم وشاق­تا­رىنداعى مەديتسينالىق پۋنكت­تەر جابدىقتالىپ، مەدي­تسي­نا قىز­مەتكەرلەرى ارنايى ادىس­تە­مە­لىك دايىندىقتان وتكىزىلدى. جاۋاپتى ناۋقانعا 830 مەديتسينا قىزمەتكەرى جۇمىلدىرىلاتىن بولسا، ونىڭ 149-ى دارىگەر، 681-ءى
ورتا مەديتسينا قىزمەتكەرلەرى.

 

اقمولا وبلىسى

 

سوڭعى جاڭالىقتار

مۇناي باعاسى ارزاندادى

ەكونوميكا • بۇگىن، 13:23

دوستىق بەسىگى

ايماقتار • بۇگىن، 08:43

ەل كۋبوگى ءۇشىن تالاسادى

فۋتبول • بۇگىن، 08:40

شيرەك فينالدا ۇتىلدى

تەننيس • بۇگىن، 08:39

دايارلىقتارىن پىسىقتادى

حوككەي • بۇگىن، 08:37

ۇقساس جاڭالىقتار