ايماقتار • 03 جەلتوقسان، 2021

جامبىل جاستارى ەلباسى ۇندەۋىن قولدايدى

56 رەت كورسەتىلدى

تۇڭعىش پرەزيدەنت كۇنىنە وراي م.ح.دۋلاتي اتىنداعى تاراز وڭىرلىك ۋنيۆەرسيتەتىندە ەلباسى نۇرسۇلتان نازارباەۆتىڭ «ەلدىكتىڭ جەتى تۇعىرى» اتتى جاستارعا ارنالعان ۇندەۋى بويىنشا اشىق ديالوگ ءوتتى. شاراعا قاتىسۋشىلار اۋەلى «ەلدىكتىڭ جەتى تۇعىرى» اتتى جەتى تاقىرىپتاعى كىتاپ پەن فوتو، كارتينالار جانە جوبالار كورمەسىمەن تانىستى. سونداي-اق ەلباسى تۋرالى بەينەروليكتى تاماشالادى.

جيىنعا قاتىسقان جام­بىل وبلىسىنىڭ اكىمى بەردى­بەك ساپارباەۆ تۇڭعىش پرە­زيدەنت كۇنى مەرەكەسىنىڭ ماڭىزدىلىعىن جانە نۇر­سۇل­تان نازارباەۆتىڭ ەل ءۇشىن سىڭىرگەن ەڭبەگىن اتاپ ءوتتى. ءوز سوزىندە تاۋەلسىزدىك جىل­دارىنداعى ەلىمىزدىڭ جانە وبلىستىڭ تولايىم تابىستارىنا دا جان-جاقتى توقتالدى. «ەلباسى – ەلىمىزدەگى تاريحي بەتبۇرىس تۇسىندا تاۋەل­سىزدىگىمىزدىڭ تۇعىرلى، ەگە­مەن­دىگىمىزدىڭ ەڭسەلى بولۋىنا ولشەۋسىز ۇلەس قوستى. تاۋەلسىزدىك العان جىلدان بەرى ەلىمىزدىڭ ءبىر بولشەگى رەتىندە وبلىسىمىز دا الەۋمەتتىك-ەكونوميكالىق دامۋدى باستان كەشتى. وزدەرىڭىز بىلەسىزدەر، جاقىندا عانا Nur Otan پار­تي­ياسى ساياسي كەڭەسىنىڭ كەڭەي­تىلگەن وتىرىسىندا ەل­باسى نۇرسۇلتان ءابىش ۇلى نازارباەۆ جاڭا داۋىردەگى قازاقستاندىقتارعا باعدار بولاتىن «ەلدىكتىڭ جەتى تۇ­عى­رى» اتتى قاعيداتتارىن ۇسىندى. ولار: تاۋەلسىزدىك – كەز كەلگەن ازامات ءۇشىن ەڭ قاستەرلى قۇندىلىق. بىرلىك پەن كەلىسىم – ەلدىگىمىزدىڭ مىز­­عىماس تۇعىرى. جەر – اتا-بابا مۇراسى، حالىق قا­زى­­ن­اسى. وتباسى مەن سالت-ءداستۇر – قوعامنىڭ التىن دىڭ­گەگى. ۇلتتىق مادەنيەت – حا­لىقتىڭ رۋحاني تىرەگى. ءبىلىم مەن ەڭبەك – باقۋاتتى ءومىردىڭ كىلتى. پراگماتيزم – باسەكەگە قابىلەتتى بولۋدىڭ كەپىلى. بۇل قاعيداتتاردىڭ حالقىمىز ءۇشىن، اسىرەسە جاس ۇرپاق ءۇشىن ماڭىزى زور. وسى قۇندىلىقتاردى بويىنا ءسىڭىرۋ ارقىلى ءاربىر جاس جەتىستىككە جەتۋگە، قوعامعا پايدالى ادام بولۋعا، قوعام­نىڭ بەلسەندى مۇشەسى رەتىندە ومىرلىك ۇستانىمدارىن قا­لىپ­تاس­تىرۋعا ۇمتىلۋى ءتيىس. ءبىزدىڭ الدىمىزدا اتال­عان قاعيداتتان تۋىندايتىن اسا ۇلكەن مىندەتتەر تۇر. ەڭ الدىمەن، قاعيداتتى وبلىس تۇر­­عىندارى اراسىندا كەڭ اۋقىم­دى ءتۇسىندىرۋ شارالارىن قولعا الۋىمىز كەرەك. بۇگىنگى كەزدەسۋىمىز دە دەر كەزىندە ۇيىم­داستىرىلىپ وتىر. وسى باعىتتاعى ءىس-شارا­لار بارلىق وڭىردە، ۇجىم­دا ءوز جالعاسىن تابۋى كەرەك»، دەدى ب.ساپار­باەۆ.

سونىمەن قاتار اكىم تاۋەل­سىزدىك جىلدارى مەملەكەت تاراپىنان جاستارعا كورسە­تىلىپ كەلە جات­قان ايرىق­شا قولداۋلار تۋرالى دا ايتىپ، ەرتەڭگى ەل تۇتقاسى سانالاتىن بۇگىنگى جاستارعا ۇلكەن سەنىم ارتىلاتىنىن جەتكىزدى. «ەڭبەك ەتسەڭ ەرىنبەي، تويادى قارنىڭ تىلەنبەي»، دەپ دانا اباي ايتقانداي، بۇگىنگى جاستار ەڭبەككە بەيىم، بىلىمگە قۇش­­تار بولۋى كەرەك. كوپ دۇ­نيە وسكەلەڭ ۇرپاققا بايلانىس­تى. مەملەكەتىمىز تاۋەلسىز­دىك­تىڭ العاشقى جىل­­دا­­رىنان باستاپ جاستار ساياسا­تىنا ايرىقشا كوڭىل ءبولىپ كەلەدى. ەلباسىمىزدىڭ باستاماسىمەن «بولاشاق» باعدارلاماسى قولعا الىنىپ، مەملەكەت ەسە­بىنەن جاستارىمىزدى شە­تەل­دەردەگى ەڭ ۇزدىك وقۋ ورىن­دارىندا وقىتۋعا جاع­داي جاسالدى. مۇنداي مۇمكىندىك باسقا ەشقانداي ەلدە جوق»، دەدى ب.ساپارباەۆ.

بۇدان كەيىن، اشىق  ديا­لوگ­­قا قاتىسۋشىلار ءار ادام رۋحاني جاڭعىرۋدى وزى­نەن باستاۋ كەرەكتىگى جايىندا پىكىر الماس­تى. ول ءۇشىن با­لا­عا ەرتە جاس­تان دۇرىس تاربيە بەرۋ، ءوزىنىڭ انا ءتىلىن ۇيرەتۋ، عاسىرلار بويى جاساپ كەلە جاتقان ۇلت­تىق قۇن­دىلىقتاردى ساناسىنا ءسىڭى­رۋ، ۇزدىكسىز ءبىلىم الۋ مەن تىنىمسىز ەڭبەك ەتۋ كەرەك­تىگى دە ايتىلدى. جيىن­­­عا قا­­تى­سۋشى جاس­تار دا ەل­با­­­سى­­نىڭ جۇكتەگەن مىن­دە­ت­تەرى وزدەرىنە ۇلكەن سە­نىم، جى­­گەر سىيلايتىنىن جەت­كىز­­دى. ماسەلەن، «ەۋرازيا الەمى – جاستاردىڭ عىلىمي ىزدەنىسىندە» حالىقارالىق عىلى­مي بايقاۋىنىڭ جانە رەسپۋبليكالىق عىلىمي-ين­نوۆاتسيالىق جوبالار باي­قاۋىنىڭ جەڭىمپازى مار­جان قالماحانوۆا، سۋ شارۋا­شىلىعى، ەكولوگيا جا­نە قۇرىلىس ينستيتۋتىنىڭ ستۋ­دەنتى، Enactus Kazakhstan National Expo-2021 جارى­سىنىڭ جەڭىمپازى دونيور شاراحمونوۆ، م.ح.دۋلاتي اتىنداعى تاراز وڭىرلىك ۋني­ۆەر­سيتەتى «ۇستاز» ينستي­تۋ­تىنىڭ ستۋدەنتى، رەسپۋب­ليكالىق عىلىمي Science slam بايقاۋىنىڭ جەڭىمپا­زى الەكساندر سكالكين، اتال­عان وقۋ ورداسىنىڭ «جۋرنا­ليستيكا» ماماندىعىنىڭ ستۋدەنتى، «قاسيەتتى قازاق ەلى» حالىقارالىق فەستيۆالىنىڭ باس جۇلدەگەرى جۇماتاي كوك­سۋباي، سامبودان ازيا چەمپيونى، الەم چەمپيوناتىنىڭ قولا جۇلدەگەرى، ەلىمىزدە وتكەن XI جازعى ۋنيۆەرسياداسىندا قازاق كۇرەسىنىڭ جەڭىمپازى اتانعان ايازبەك ەليزات جانە تاعى دا باسقا جاس­تار ويلارىن ورتاعا سالىپ، جاستاردى قولداۋعا قاتىستى ۇسىنىس-پىكىرلەرىن ءبىلدىردى. بۇل رەتتە ب.ساپارباەۆ ەركىن ديالوگ بارىسىندا ايتىلعان بارلىق ۇسىنىستىڭ نازار­عا الىناتىنىن اتاپ ءوتتى.

كەزدەسۋدە ءوڭىردىڭ تاۋەل­سىز­دىك جىلدارداعى دامۋ تاريحى تۋرالى بەينەروليك كورسە­تىلدى. سونىمەن قاتار م.ح.دۋلاتي اتىنداعى تاراز وڭىرلىك ۋنيۆەرسيتەتىنىڭ وقى­تۋشى-پروفەسسورلارى جا­­نە ستۋدەنتتەرى ماراپاتتالدى. بىرقاتار ستۋدەنتكە Nur Otan پارتياسىنىڭ مۇشەلىك بيلەتتەرى تابىستالدى.

اشىق ديالوگ اياسىندا ۋنيۆەرسيتەت جاستارى ەلىمىز­دىڭ تۇڭعىش پرەزيدەنتى نۇرسۇل­تان نازارباەۆتىڭ «ەلدىكتىڭ جەتى تۇعىرى» قاعيداتتارى بويىنشا ەل جاستارىنا ۇن­دەۋ ارناپ، شىمكەنت قالا­سىنداعى م.اۋەزوۆ اتىن­داعى ۋنيۆەرسيتەتتىڭ ستۋدەنت­تەرىنە چەللەندج جولدادى.

 

جامبىل وبلىسى

سوڭعى جاڭالىقتار

الماتىدا ەپيداحۋال كۇردەلەنىپ بارادى

كوروناۆيرۋس • بۇگىن، 11:00

«سارى» ايماقتا تۇركىستان وبلىسى تۇر

كوروناۆيرۋس • بۇگىن، 09:10

كوروناۆيرۋس قايتا كۇشەيدى

كوروناۆيرۋس • بۇگىن، 08:54

وڭتايلىسى – ونلاين وقۋ

ايماقتار • بۇگىن، 08:53

ساپا ارتپايىنشا، سۋبسيديا جوق

ايماقتار • بۇگىن، 08:45

كوروناۆيرۋس قايتا ءورشىدى

الەم • بۇگىن، 08:42

ۆيرۋس جۇقتىرۋ ازايماي تۇر

كوروناۆيرۋس • بۇگىن، 08:30

اسىعىس شەشىم

قازاقستان • بۇگىن، 08:15

كومەك كورسەتىلەدى

قوعام • بۇگىن، 08:10

قور ستراتەگياسى ازىرلەنەدى

قازاقستان • بۇگىن، 08:00

ۇقساس جاڭالىقتار