بۇل تۋرالى الەكساندر ۋسيكتىڭ پروموۋتەرى الەكساندر كراسيۋك مالىمدەدى. ونىڭ ويىنشا اسا اۋىر سالماقتاعى الەمنىڭ ەكس چەمپيونى, ۇلىبريتانيا بوكسشىسى ەنتوني دجوشۋا قارجىلاي سىياقى السا, ۋسيكپەن وتكىزۋگە ءتيىس مىندەتتى قارىمتا كەزدەسۋدەن ۋاقىتشا باس تارتۋى مۇمكىن ەكەن. ارينە, مۇنداي جاعدايدا الەكساندر ۋسيكتىڭ كومانداسى تايسون فيۋريمەن شايقاس ۇيىمداستىرىپ, الەمنىڭ ءابسوليۋتتى چەمپيونىن انىقتاۋعا نيەتتى.
«ەنتوني دجوشۋا ويداعىداي اقشا السا, ءسال كۇتە تۇرادى دەگەن اڭگىمەنىڭ بولعانى راس. مۇنداي گۋ-گۋ تايسون فيۋري دەونتەي ۋايلدەردى جەڭگەن ساتتە-اق باستالعان بولاتىن. دجوشۋا قارجىلاي ۇسىنىستى قاراستىرۋعا ءازىر ەكەنىن مەن دە ەستىدىم. ءوزى دە اسا اۋىر سالماقتاعى شيەلەنىستىڭ دۇرىس شەشىلگەنىن قالايتىنىن ايتقان. الەكساندر ۋسيك قارجىلىق جاعى دۇرىس قاراستىرىلسا, تايسون فيۋريگە قارسى رينگكە شىعۋعا دايىن ەكەنىن جەتكىزدى. دجوشۋا دا قارسىلىق تانىتىپ وتىرعان جوق. وعان دا بىردەن الەمنىڭ ءابسوليۋتتى چەمپيونى اتاعىنا تالاسقان ءتيىمدى ەكەنى داۋسىز», دەيدى پروموۋتەر.
