قازاقستان • 02 جەلتوقسان، 2021

كوللەكتسيالىق مونەتالار اينالىمعا شىعادى

91 رەت كورسەتىلدى

قازاقستان ۇلتتىق بانكى KIIZ ÚI جانە SALIÝT-1 كوللەكتسيالىق مونەتالارىن اينالىمعا شىعاراتىنىن جاريالادى، دەپ حابارلايدى Egemen.kz.

نومينالدارى 5 000 جانە 500 تەڭگەلىك كۇمىستەن جاسالعان KIIZ ÚI مونەتالارى «دالا قازىناسى» سەرياسىن جالعاستىرادى. مونەتالاردىڭ ديزاينى كيىز ءۇي كەڭىستىگىنىڭ شەكسىزدىگى مەن ونداعى كوشپەندىلەر الەمىنىڭ ورنىن بىلدىرەدى.

مونەتالاردىڭ اۆەرسىندە كيىز ءۇي مەن دالا كەڭىستىگىنىڭ كەلتىرىلگەن بەينەلەرى اياسىندا مەملەكەتتىك ەلتاڭبامىز ورنالاسقان، جوعارى بولىگىندە QAZAQSTAN RESPÝBLIKASY جازۋى، تومەنگى بولىگىندە قازاقستان تەڭگە سارايىنىڭ تاۋار بەلگىسى، مونەتالاردىڭ نومينالىن بىلدىرەتىن ماسساسى 1 000 گرامدىق مونەتادا – «5 000 TEŃGE»  جانە ماسساسى 31،1  گرامدىق مونەتادا – «500 TEŃGE» دەگەن جازۋ ويىلعان.

1

2

مونەتالاردىڭ رەۆەرسىندە كيىز ءۇيدىڭ، ونىڭ ىشكى جابدىعىنىڭ بەينەسى مەن كوشپەندى حالىقتاردىڭ ەتنومادەني ءومىرىن ايقىندايتىن تۇرمىستىق زاتتار بەينەلەنگەن.       

2   

2

نومينالى 500 تەڭگەلىك تانتال بار كۇمىستەن، نومينالى 200 تەڭگەلىك مەلحيور قوسپاسىنان جانە نومينالى 100 تەڭگەلىك نەيزيلبەر قوسپاسىنان جاسالعان SALIÝT-1 كوللەكتسيالىق مونەتالارى «عارىش» سەرياسىن جالعاستىرادى. مونەتالار بايقوڭىر عارىش ايلاعىنان باسقارىلاتىن الەمدەگى العاشقى «ساليۋت-1» وربيتالىق عارىش ستانتسياسىنىڭ ۇشىرىلعانىنا 50 جىل تولۋىنا ورايلاستىرىلعان.

مونەتا اۆەرسىنىڭ ورتالىق بولىگىندە وتكەن مەن بۇگىننىڭ بايلانىسى رەتىندە ادام مەن عالامنىڭ بىرلىگىن بىلدىرەتىن كومپوزيتسيا بەينەلەنگەن. مونەتالاردىڭ وڭ جاعىندا: تانتال ارالاس كۇمىستەن جاسالعان مونەتادا – «500 تەڭگە»، مەلحيور قوسپاسىنان جاسالعان مونەتادا – «200 تەڭگە»، نەيزيلبەر قوسپاسىنان جاسالعان مونەتادا – «100 تەڭگە» نومينالىن بىلدىرەتىن جازۋلارى بار.

1

تانتال بار كۇمىستەن جاسالعان مونەتاداعى نومينالدىڭ استىندا مونەتا جاسالعان مەتالدى، ونىڭ سىناماسى مەن ماسساسىن بىلدىرەتىن «Ag 925 14،6 g تا 26،8 g» دەگەن جازۋ ورنالاسقان. تومەنگى جاعىندا – قازاقستان تەڭگە سارايىنىڭ لوگوتيپى بار. مونەتالدىڭ جيەگى مەملەكەتتىك تىلدە «QAZAQSTAN RESPÝBLIKASY» جانە اعىلشىن تىلىندە «REPUBLIC OF KAZAKHSTAN» دەگەن جازۋمەن كومكەرىلگەن.

مونەتالاردىڭ سىرت جاعىندا «ساليۋت-1» وربيتالىق عارىش ستانتسياسىنىڭ بەينەسى ورنالاسقان. مونەتالاردىڭ مەملەكەتتىك تىلدەگى، ورىس جانە اعىلشىن تىلىندەگى اتى، سونداي-اق وقيعانىڭ مەرەيتويلىق داتاسىن بىلدىرەتىن «1971-2021» جازۋى بار. سول جاعىندا – عارىشتان كورىنەتىن جەر بەتىنىڭ بەينەسى. تومەنگى بولىگىندە - اعىلشىن تىلىندەگى BAIKONUR جازۋى بار.

2

ايتا كەتسەك، مونەتالار كادەسىيلىق ورامدا شىعارىلادى، ولاردىڭ مەملەكەتتىك، ورىس جانە اعىلشىن تىلدەرىندە قۇب-تىڭ نومىرلىك ساپا سەرتيفيكاتى بار.

كوللەكتسيالىق مونەتالار قازاقستان تەڭگە سارايىندا دايىندالعان.

سوڭعى جاڭالىقتار

شابىت پەن شاراپ

ادەبيەت • بۇگىن، 22:13

ديلەتانتتان داۋىرگە دەيىن

ادەبيەت • بۇگىن، 21:57

ەرتەڭ اۋا رايى قانداي بولادى؟

قازاقستان • بۇگىن، 16:20

اندرادەنى مۋنگيا الماستىرۋى مۇمكىن

كاسىپقوي بوكس • بۇگىن، 14:25

ۇقساس جاڭالىقتار