ەۋروكوميسسيا باسشىسىنىڭ ايتۋىنشا, جاس شەكتەۋلەرى مەن قارسى كورسەتىلىمدەرى ەسكەرىلە وتىرىپ, حالىقتىڭ باسىم بولىگى كوروناۆيرۋسقا قارسى ەكپە الۋعا مىندەتتى. بۇل رەتتە وسى ماسەلەنىڭ ەۋروپالىق وداققا مۇشە مەملەكەتتەردىڭ قۇزىرەتتىلىگىندە ەكەنى ايتىلدى.
بۇدان باسقا, ەۋروپانىڭ 11 ەلىندە كوروناۆيرۋستىڭ «وميكرون» شتامى انىقتالعانى بەلگىلى بولدى.
گرۋزيا «جاسىل تولقۇجات» دەپ اتالاتىن ۆاكتسينا پاسپورتىن ەنگىزدى. بۇل تولقۇجات ارقىلى 18 جاستان اسقان ازاماتتار قوعامدىق ورىندارعا ەركىن بارا الادى. ۆەدومستۆوارالىق ۇيلەستىرۋ كەڭەسىنىڭ شەشىمىنە سايكەس, تولىق ۆاكتسينا العان, پتر-تەستىلەۋدەن وتكەن نەمەسە ينفەكتسيامەن اۋىرىپ ساۋىققان ادامدار عانا تاماقتانۋ ورىندارىنا, ويىن-ساۋىق ورتالىقتارىنا, كينوتەاترلارعا, تەاترلارعا, مۇراجايلارعا, كونتسەرت زالدارىنا جانە باسقا دا قوعامدىق مەكەمەلەرگە بارا الادى.
قازىرگى ۋاقىتتا گرۋزيادا كوروناۆيرۋستى جۇقتىرۋ جاعدايلارىنىڭ سانى 850 102-گە جەتتى, ال 12 119 ادام ىندەتتەن قايتىس بولدى.
